သစ်ခက်သံလွင်ကဗျာ - ခရမ်းပြာထက်လူ၏ငြိမ်းချမ်းရေးမိခင်

ခရမ်းပြာထက်လူ- ငြိမ်းချမ်းရေးမိခင်
(မိုးမခ၊ သစ်ခက်သံလွင်) ဇွန် ၁၉ ၊ ၂၀၁၆

ခရမ်းပြာထက်လူ- ငြိမ်းချမ်းရေးမိခင်

(မိုးမခ၊ သစ်ခက်သံလွင်) ဇွန် ၁၉ ၊ ၂၀၁၆


ကျည်ဆံတွေက

ကျမခန္ဓာကိုယ်အနှံ့ အပေါက်တွေ ဖောက်ထွက်ခဲ့မယ်ဆိုရင်

အဲဒီ့အပေါက်တွေက ထွက်ကျလာမယ့် အလင်းတန်းတွေဟာ

အမှောင်တိုက်ထဲမှာပျောက်ဆုံးနေတဲ့

ရှင်တို့ရဲ့လမ်းတွေကို လင်းထင်းမြင်သာပါစေသား။

ရှေ့မှာချောက်ရှိလည်း

ရမယ်ဆို ဆင်းမယ်

ကျမ ဘာလိုချင်လဲ ရှင်တို့သိပါတယ်.

မျက်ကန်းတစ္ဆေမကြောက်သတဲ့လား

ဘယ်ဟုတ်ပါ့မလဲ

တစ္ဆေကမှ ကြောက်အောင် မချောက်နိုင်တာ။

ငြိမ်းချမ်းရေးအတွက်

ဘီလူးစည်း လူ့စည်းမရှိဘူး

ငြိမ်းချမ်းရေးအတွက်

နှလုံးသားမှာ စည်းနီ စည်းဝါ စည်းမထားဘူး။

နတ်ဒေ၀တာတွေက

ကျမအကြောင်း ကောင်းကောင်းသိကြတယ်

ပြီးတော့ ကျည်ဆံတွေကလည်းပဲပေါ့။

မပြစ်မှားနဲ့ ပစ်ရင်မှားမယ်။

ကျမဟာ ကျမအတွက်ရောက်လာတာမဟုတ်ဘူး

သန်း ၆၀ အတွက်

ခုဆို သန်း ၇၀၀၀ အတွက်ပါ ကျမ

ကမ္ဘာနဲ့စာချုပ် ချုပ်

အဲဒီ့အထဲမှာ ရှင်နဲ့ ရှင့်မိသားစုတွေ အကုန်လုံးပါတယ် ဆိုတာကိုလည်း ကျမက ပြောချင်တာ။ ။

ခရမ်းပြာထက်လူ
၂၀၁၃ ၊ ရုပ်ရှင်တေးကဗျာမဂ္ဂဇင်း


(ပန်းချီ သန်းဌေးမောင်)


Comments