သစ်ခက်သံလွင်- ကာတွန်းအကြောင်းတစေ့တစောင်း-၄(ကာတွန်းဝင်းထွန်း)

ကာတွန်းအကြောင်း တစေ့ တစောင်း ... - ၄

ပုံရေးခြင်းအကြောင်း ...

 

အမှန်က ဒီကိစ္စ အရင်ရေးသင့်ပါသည်။
ဒီကမ္ဘာမှာ (အဟဲ ... ကမ္ဘာကြီးနဲ့ချီပြောရရတာ အားနာပါ၏ ။လေလုံးက ကြီးတော့မယ့်ပုံပေါ့ဗျာ။ တကယ်တော့ ကျွန်တော့်လေလုံးက သိပ်မကြီးသေးပါ။ ကိုယ့်အရင် ကြီးထားသူတွေ မီအောင်ပြောရ မလိုဖြစ်နေပါတယ်။ အမှန်က သူတို့ကို ယှဉ်ပြောဖို့ရည်ရွယ်ချက် လုံးဝမရှိ ... ကျွန်တော် အတိုက်အခံ နိုင်ငံရေးသမားမဟုတ်ဘူးလေ ... အဟဲ ...

မပြောမဖြစ်ပြောရပါမယ်ဗျာ ... ဘာလို့လဲ ဆိုတော့ ပုံရေးအတတ်ပညာကို လေ့လာမိ တဲ့ နောက် လူငယ်တွေအတွက် မှန်မယ်လို့ ယူဆတာလေးတွေ သိစေချင် ရစေချင်လို့ပါလေ …။

နောက်ရည်ရွယ်ချက်က ... ကာတွန်းဆိုတာ အမှားအမှန်ကို သိစေလိုလို့ သူများ အမှားတွေကို စေတနာထား ထောက်ပြကြသည့်ပညာဟု ဆိုခဲ့ကြသည်။ (ကျွန်တော်လည်း ပါ၏) ... ကိုယ့်တို့ကို ဘယ်သူထောက်ပြမလဲ။ ကာတွန်းကောင်းမကောင်းကလွဲရင် ပညာရပ်ကို ထောက်ပြနိုင်သူ နည်း၏။ ...

ခုတော့ ကျွန်တော်ပဲ အဆဲခံမယ် …။ အဲလေ ... ထောက်ပြနေပါမယ် ...။
ကဲ ပြန်ပြောပါမယ်။ ပုံရေးအတတ်ပညာဆိုတာ ကျွန်တော့်သဘောအရ ပန်းချီကော ကာတွန်းကော ပါပါသည်။ ပြောရရင် ကမ္ဘာမှာ ပေါ်ခဲ့တာ ကြာပါပြီ။ (ဒီနေရာမှာ ပညာရပ်သမိုင်း ကြောင်း ပြောဖို့ မရည်ရွယ်ပါ) ... သူများစာတွေဖတ်ပြီး ဆရာကြီး ပြန်မလုပ်ချင်ပါ ... အဟဲ ...။

ခုအများစု ရေးကြသော ပန်းချီ ... ကာတွန်းပညာရပ်သည် ... မြန်မာပြည်ဖြစ်မဟုတ်ပါ။ (မြန်မာပြည်တွင်းဖြစ် မဟုတ်ပါ) (မြန်မာ့ရှေးရိုးရာ ပန်းချီကိစ္စ ဒီနေရာမှာ ကျွန်တော်ထည့်ပြောရန် မရှိပါ။ လူအရေးလည်း နည်းပါးပါသည်။ ဝမ်းနည်းစရာတခုပါ။ စကားချပ်) နိုင်ငံခြားက လာသည့် ပန်းချီရေးနည်း ကာတွန်းရေးနည်းကို ကျွန်တော်တို့ဆရာကြီးတွေကအစ ကျွန်တော်တို့ ခုခေတ်အထိ ... လိုက်ရေးနေကြခြင်း ဖြစ်ပါသည်။

အဲဒီရေးနည်းများနှင့်ပတ်သက်၍ ပဝေသနီက ရှိနေသော (ဘာအစ်ဇင် ... ညာအစ်ဇင်တွေ) အတွေးအခေါ်တွေလည်း မြန်မာပြည်မှာ မိုးထိလျှံတက်အောင် အော်ကျယ်အော်ကျယ် ပြောနေသူတွေ လည်း တွေ့ဖူး၏။  ပထမတော့ နားထောင်လေ့ရှိသည်။ နောက်တော့ မသိလိုတော့။ ပုံရေးတဲ့အထဲ ပါမလာ။ စက္ကူပေါ်ပါလာတဲ့ကိစ္စတွေမဟုတ်။ ... သမားဂုဏ်ပြလိုသူများ ထိုင်ပြောတဲ့အလုပ်ပေပါ့၊ အဟိ။ (အမှန်တော့ အရင်ဖတ်ပြီး အရင် ထအော်နေကြသူများသာ)။

အဲဒါလည်း အသေးစိတ်အငြင်းမပွားလို။  ... တခုတော့ သူတို့စကားတခွန်းအကြောင်း ... ပြောပြလို၏။  (သူများရေးသည့်နောက်က လိုက်လုပ်သူများကို ဘာဆိုလာ ခေါ်သတဲ့ ... ကိုယ်ပိုင်ထွင်မှတဲ့)။ ထွင်ကြလေ ... တိုင်းတပါးကလာတဲ့ နည်းပေါ်မှာ ကိုယ်က ဇောက်ထိုး ရေးမလား။

ပြောသာပြောနေတာ သူတို့ရေးတာ ... ခုထိ ... သူတို့လက်ရာလို့ နည်းနည်းပြောနိုင် သလို ရှိတာလေးမှအပ ... တခါခါ လက်မှတ်မထိုးရင် တခြားနိုင်ငံက ရေးထားသလိုတွေက များ၏။

ကဲ ဒါလည်း ဒီမှာထား၊ ပုံရေးတဲ့အကြောင်း ရောက်အောင်ပြောပါရစေ ...။ ပန်းချီလိုရေးရေး ... ကာတွန်းလိုရေးရေး ... တကယ်တော့ နည်းပညာအချိုးအစားတွေ ဆရာအမျိုးမျိုးက နည်း အမျိုးမျိုး အထွေထွေ အပြားပြား ကွဲလွဲစွာ ... ပြောပြခဲ့ကြသည် ပြောပြနေကြ၏။ ... တဦးမှ မမှားပါ ... မူကွဲသလို ရှိပေမယ့် အတူတူပင်ဖြစ်ကြလေသတည်း ...။ ဘယ်လိုချက်ချက် (ရေခန်းချက်ချက် ...ငှဲ့ချက်ချက် လျှပ်စစ်ထမင်းအိုးနဲ့ ချက်ချက် ထမင်းက ထမင်းပါ)။

တကယ်တော့ အပြင်မှာ တကယ်တွေ့နေတာတွေကို (ရှုခင်း ... လူ ရုပ်ဝတ္ထုပစ္စည်းတွေ) စက္ကုပေါ် ကင်းဗတ်ပြာပေါ် ဘယ်လိုရောက်အောင်ရေးမလဲ ပြောပြနေကြတာပါ ... (အဲဒါကို ကျွန်တော်နဲ့ အတူ ကာတွန်းလေ့လာနေသူ လူငယ်များ သတိထားစေချင်ပါတယ်) ... အားလုံးသော ရေးနည်းတွေဟာ ... သဘာဝကို ကူးရေးနေတာပါ။ အဲဒီတော့ လိုအပ်သော အချိုးချခြင်း ... ဟန်ပန် အမူအရာကို လိုချင်ရင် ကာတွန်းဆရာအနေနဲ့ လူတွေဟာ သင်တို့ ကူးစရာတွေပါ ... သင်တို့အတွက် စံပြမော်ဒယ်လေးတွေပါ။ တခြားကာတွန်းဆရာများ ...ပုံများကြည့်ပြီး လိုက်ကူးရေးစရာပင်မလိုတော့ ...။

လူကိုကြည့်၍ ခေါင်း၏ ၈ ချိုး မိန်းမဆို ၇ ချိုးခွဲ ... ကာတွန်းက ၅ ခွဲ ... ၃ ခွဲ ၂ ခွဲ စသည်ဖြင့် သူတို့လက်ပေါ် မူတည်၍ အချိုးချနေခြင်း ဖြစ်ပါသည်။ (လူသား ပန်းချီအတွက် ၈ နှင့် ၇ ခွဲ အချိုးကို အများဆုံးသုံး၏) ...

ဆရာ ကာတွန်းဝင်းမောင်လိုရေးချင်သူသည် ... သူ့အချိုးအတိုင်းရေးမှ သူ့လိုအရုပ်အရွယ်အစား မျိုးထွက်ပေမယ် ...။ အဲဒီ့အချိုးသည် တခြားအရွယ်အစားရေးလိုသူများအတွက် အဆင်ပြေချင်မှ ပြေမည်။ နေရာတိုင်း သူ့နည်းသည် သင့်အတွက် အသုံးမဝင် ... ဘာလို့လဲဆိုတော့ သင် ကာတွန်း ဝင်းမောင်လို့ မဖြစ်ချင်သူလေ ... (ဒီအချက်မမေ့သင့် ...) သူ့ဆီက နည်းပညာယူခြင်းနှင့် ကူးခြင်း ဒီနေရာမှာ သဘောကွဲနေပေပြီ ၊(သတိထားသင့်)။ (ကျွန်တော် ဆရာတွေဆီက နည်းပညာတွေ ရယူခဲ့ပြီးပြီ။ ယခု အားလုံးမေ့ထားသည် ... ကိုယ့်စိတ်ကူးဖြင့် ဆက်သွားနေသည် ... ဒါမှ ကိုယ်ဖြစ်လာမည်ပါ့။ (ဒါကျေးဇူးမေ့ခြင်းမဟုတ်ပါ)

ဒါဖြင့် ဘာလုပ်သင့်သနည်း။ ရှင်း၏ ကိုယ်ကြိုက်ရာ ကိုယ်လုပ်ဖို့အတွက် နှစ်သက်သူထံမှ ... နည်းပညာပဲ ယူပါ။ နောက် ကိုယ်ပိုင်အချိုးရှာသင့်လေသတည်း ...။

ကျွန်တော့်ပုတွေ အကြောင်း ကိုယ်ပြောရရင် ... ကျွန်တော့် ကာတွန်းအရုပ်များတွင် အချိုးပေါင်းများစွာ ရှိသည်။ ဘယ်နှစ်ချိုးက ပုံမှန်လဲဟု မမေးလေနှင့် ... ဦးခေါင်းချရေးပြီး လုိုတဲ့အချိုး လိုသလိုပြင်ရေး ချက်ချင်း အချိုးချသွားသည်။ (ကိုယ်အချိုးချနည်း သူတို့ထံ နည်းယူခဲ့ပြီးလေပြီ)။

ကာတွန်းရေးချင်သည့်အခါ (ဥပမာ ကိုချစ်စရာ) ဦးခေါင်းအတွက် ... ဘဲဥဒေါင်လိုက်ပုံ စလျာ ထား၏။ နောက် ကိုယ်လုံးကို ခေါင်းနဲ့တခါခါ ရွယ်တူ ... တခါခါ နည်းနည်းရှည်ထား၏။ နောက် ခြေလက်ကို တုတ်ချောင်းလေးတွေ တတ်၍ လှုပ်ရှားမှုအတွက် လျာထား၏၊ ပြီးတော့ အသားဖြည့် ရေးဆွဲတော့တာပဲလေ။ မိန်းခလေး လှလှရေးက သိပ်ပု၍မရ ။ ၅ ချိုး အနည်းဆုံး ၄ ခွဲလောက် ထားတတ်၏ ။ အဲဒီမိန်းခလေးနဲ့တွဲဖို့ကျ ကိုချစ်စရာ အချိုးကို နည်းနည်းဆွဲဆန့်ပေး၏။ သူ့ချည်းဆို ခပ်ပုပု အချိုးပဲ ရေးလေ့ရှိ၏ ...

ကျွန်တော့်နည်း ကျွန်တော့်အချိုးသာ အမှန်ဟု ဘယ်သောအခါမှ ကျွန်တော်ပြောမည် မဟုတ်ပါ။ ကိုယ့်ပုံကိုယ့်အချိုးရှာ၍ ရေးသင့်ပါသည်။ တချို့က အချိုးထားရေးပုံမပေါ်။ အဲဒါလည်း မှားသည်ဟု မပြောနိုင်ပါ။ ... ဒါသူ့နည်းသူ့ဟန် ဖြစ်မည်။ သို့သော် သူများနည်းကို ပုတ်ခတ်တာတော့ သူ့နည်း သူ့ဟန် မဖြစ်သင့် အဟဲ။ ... ငါမှ မော်ဒန်ဆိုချင်သူများ၏။ အသံကြားဖူး ကြားနေရ၏။  ကာတွန်းအရုပ်ကလေး တရုပ်နှစ်ရုပ်ရေးတတ်ရုနှင့် အလုပ်ဖြစ်နေသူသည် သူ့ဟန်သာဖြစ်မည်။ သူ့နည်း၊ ကောင်းမကောင်းဆိုတာက နှောင်းတခေတ်ကျ သူ့လက်ရာ အဘယ်မျှ မှတ်တမ်းတင် ကျန်ရစ်မည်နည်းဆိုတာက သက်သေပြလိမ့်မည်။ (ဥပမာ ဆရာကိုဝင်းမောင်ထားခဲ့သည့် ရေးနည်းအားလုံးနီးပါး လွှမ်းနေဆဲပါ)

ဒီနိုင်ငံ (အမေရိကန်) မှာ လက်ရာပေါင်းစုံရှိ၏။ အလုပ်ဖြစ်နေတာပဲလေ ။ ဒါပေမဲ့ စကာတင် သမိုင်းဝင်ကျန်ဖို့က သိပ်မရှိပါ (ဥပမာ တသသ ပြောနေရဆဲ့ဖြစ်သည့် Herblock ၏ ကာတွန်းများ)။

ကျွန်တော်လည်း စကာတင်ကျန်ချင်မှ ကျန်ပါမည်။ ... ကံပေါ့လေ ... ဟေဟေး။

ဝထး052116

ကျွန်တော်ကာတွန်းပုံ စရေးတိုင်း ဒီလို Skeleton က စရေးပါသည် ... ရေးမည့် စိတ်ကူးအိုက်ဒီယာနှင့် လိုက်ဖက်တဲ့ ဟန်ရမှာ အသားဖြည့်ရေးဆွဲပါတယ် ... ဒါကလဲ ကိုချစ်စရာ ပုံဖြစ်ချင်ဖြစ်သွားပါသည် ..