သစ်ခက်သံလွင် ကဗျာစင်မြင့်၊ ချစ်တိုးနွယ်၊ ညီဇေ၊ ကေဇော်မိုး၊ ကမ်လူဝေး

ညမင်းသမီး ဒိုင်ယာလော့ခ်

www.etsy.com

မေးရတာနဲ့

ဖြေရတာ

ဘယ်ဟာ ပိုခက်သလဲမေးမှ

အဲဒီ့ အဖြေ ပိုခက်ရ …။

ဒုတိယ လူကြမ်းရဲ့

အသင့်ဖွင့်ထားတဲ့ ဓားတလက်ဟာ

သူကွပ်မျက်မယ့် လရောင်နဲ့

လက်ထဲမှာ လက်ခနဲ…။

ဟေ့

ကောင်မလေးကို လွှတ်လိုက်ဆိုတဲ့အသံ

ဟောဒီ့ ကံကြမ္မာဆိုတာကြီးဆီက

ဘယ်တုန်းကမှ ရောက်မလာခဲ့ပါဘူး…။

တကယ်ပါရှင်

သွေ့ခြောက်ခြောက် ချောက်ကမ်းပါးမှာ

ကျွန်မ

မျက်ရည်တု မသုံးဘူး

တဘ၀လုံး

မိတ်ကပ် ကိုယ်တိုင်လိမ်းခဲ့တယ်။ ။

ချစ်တိုးနွယ်

အင်ပါယာ၊ ဇန်န၀ါရီ၊ ၂၀၀၆

…

ခိုင်မြဲသော တွဲလက်များ

www.artistsnetwork.com

ရွေ့နေတဲ့ ခရီးတခုထဲ တို့လက်တွေ မြဲခဲ့တယ်
တရိပ်ရိပ် ဖြတ်ကျော်ခဲ့သော ရှုမျှော်ခင်းများ
သက္ကရာဇ်များနဲ့ ဘဝရှင်သန်မှုများ၊ ကစားပွဲများ၊ လောင်မီးများ။

ခေတ်ဆိုတဲ့ စာအုပ်ထဲမှာ
မျက်နှာဖုံး လှဖို့ ကြိုးစားရင်း အတွင်းစာသား
သုံးစားမရသော နိုင်ငံရေးစာမျက်နှာများ ပြည့်နှက်၊ ထို့နောက်
ဦးနှောက်နဲ့ နှလုံးသား အဆမညီသောတို့ရဲ့လေလွင့်အနုပညာ
ပိုးလောက်လန်းတွေလို အဆက်မပြတ်ပေါက်ဖွားရင်း
ရွေ့နေတဲ့ခရီးတခုထဲ တို့လက်တွေ မြဲခဲ့တယ်။

ရွေ့နေတဲ့ ခရီးတခုထဲ တို့လက်တွေ မြဲခဲ့တယ်
အမြစ်ကို မြေမှာမတွယ်ပဲ လေထဲ တို့လို့တန်းလန်း
သစ်ပင်တွေ ကြည့်တော့ အသီးဆွံ့အနေ
လေညင်းလေးတောင် ဝေါခနဲ ဟွန်းသံမှာ ဖြတ်နင်းခံရ
အနေအထားအရ တယောက်တနေရာစီမှာဆိုပေမယ့်
ရွေ့နေတဲ့ ခရီးတခုထဲ တို့လက်တွေ မြဲခဲ့တယ်။

တောမီးလောင်လို့ တောကြောင်တွေ လက်ခမောင်းခတ်တာ မဟုတ်ဘူး
တောကြောင်တွေ လက်ခမောင်း ခတ်ခိုင်းခဲ့လို့သာ တောမီးတွေ လောင်ရတာ
နှလုံးသားတွေ တဖျစ်ဖျစ်မြည် လောင်ကျွမ်းပြာကျ
အခြေအနေအရ ခေတ်ကို မျက်ခြေဖြတ်ထားလို့ မရတာတောင်မှ
ရွေ့နေတဲ့ ခရီးတခုထဲ တို့လက်တွေ မြဲခဲ့တယ်။

ရွေ့နေတဲ့ ခရီးတခုထဲ တို့လက်တွေ မြဲခဲ့တယ်
တောင်ပေါ်က နိစ္စဓူဝကလည်း တောင်ပေါ်အလျှောက်လေးလံ
မြေပြန့်က နိစ္စဓူဝကလည်း မြေပြန့်အလျှောက် မှောင်မိုက်
တို့ရှေ့မှာ တောင်တွေသေပြီ၊ တို့ရှေ့မှာ မြစ်တွေ ငိုပြီ
လွန်ခဲ့တဲ့ ဆယ်စုနှစ်တွေက အဝေးပြေးလမ်းမပေါ်
နှိုးခဲ့ကြတဲ့ ကိုယ့်နှလုံးသားအင်ဂျင်စက်သံ ကိုယ်ပြန်နားစွင့်ရင်း
ရွေ့နေတဲ့ ခရီးတခုထဲ တို့လက်တွေ မြဲခဲ့တယ်။

ရွေ့နေတဲ့ ခရီးတခုထဲ တို့လက်တွေ မြဲခဲ့တယ်
ဟုတ်တယ်၊ တို့လက်တွေ မြဲမှပဲ ခရီးတခုလည်း ရွေ့လိမ့်မယ်...။ ။

ညီဇေ

….

ဆိုက်ကို

techholic.co.kr

အသွေးအသားက
ဖြစ်ပျက်သမျှအရာရာအပေါ် ငြိဝင်နေတဲ့ ဆိုက်ကို
လေးထောင့် အဝိုင်း ဒေါင်မကျ ပြားမကျလား
တကြောင်းကြောင်းမှာ ဆိုက်ကို
လူကြီးမင်းတပ်ခံထားရတဲ့ ဧရိယာက
ပျော်ရွှင်ဖွယ်ရာတွေ လက်ယပ်ခေါ်ယူနေတဲ့ ဆိုက်ကို
ညဈေးနဲ့ပန်းဆိုးတန်း မနက်ဈေးနဲ့ဆူးလေ နေ့ဈေးနဲ့ဆိပ်ကမ်းသာလမ်း
အစားစားကွဲပြားနေတဲ့ လမ်းပေါ်က ငှက်ကလေးများထဲ ဆိုက်ကို
အချိန်နဲ့တန်ဖိုးနဲ့ နာရီမေးရတဲ့ မြို့ပြပလက်ဖောင်းပေါ်က
ရောင်းရေးဝယ်တာ ဆိုက်ကို
ပြန်မလာခဲ့နဲ့ပြန်လာချင်ပြီ
အဆင်မပြေဘူး ဒီလိုပဲ အဆင်ပြေအောင်နေ
နှစ်ဖက်စကားတွေ နားနဲ့မဆံ့ လျှံကျနေသော ဆိုက်ကို
ကြိုးစားပါ အဆင်ပြေမှာပါ မုသာဝါဒနဲ့
ချူဆီထည့်နေရတဲ့ အသက်မွေးဝမ်းကျောင်းထဲက ဆိုက်ကို
အခမဲ့ အခပေးနဲ့ ပြန်အမ်းငွေနဲ့ အလှူခံနဲ့ မလောက်ငှတဲ့လစာနဲ့
မေတ္တာဖြင့် ကြီးကြပ်ခြင်းထဲ ဆိုက်ကို
အလုပ်ခွင် လမ်းပေါ်အိမ်တွင်း အရက်ဆိုင်က
ကလေးများနဲ့ အနာဂတ်မျှော်မှန်းမှုဆိုက်ကို
သိမ်မွေ့စိတ် အရိုင်းဆန်မှုကွယ်ရာက ဂရုဓမ္မစကားနဲ့
လူသားဆန်လွန်းတဲ့ အတင်းအဖျင်းနဲ့ ဆိုက်ကို
လိင်မတူ လူသားတဦးနဲ့ နားလည်မှုနဲ့ အတူနေချင်ပြီ
သံမဏိသား ပင်မအစုအဝေးက လူဖြစ်ရတဲ့ ဒုက္ခတရားမှာ ဆိုက်ကို
တွေ့ကြတာပေါ့ အဆင်ပြေပြီပဲ ဒီရက်ပိုင်းဆုံမယ်
ကတိထပ်နေတဲ့ ဘဝထဲ ဆိုက်ကို
ခြံစည်းရိုးထင်းခွေသွားတဲ့ အောင်မြင်ကျော်ကြားလိုသော ဆိုက်ကို
ခေတ်ပျက်အစုအဝေးထဲက သမားရိုးကျ စရိုက်အသီးသီးနဲ့
ကတ်ကိုဘိန်းတို့ရဲ့ တော်လှန်ရေး ဆိုက်ကို
အခု တော်ကြာ ပူးပေါင်း ပယ်ဖျက် ဆန့်ကျင် မှိုင်းတိုက်
ဒီမြေပြင်ရဲ့အခင်းအကျင်း တိမ်မင်ဆေးရေးသလို ဆိုက်ကို
ရပ်ပြီ မရပ်သေးဘူး လမ်းကြောင်းရှင်းလင်း တွေ့ဆုံရေး လက်မှတ်ထိုးပွဲ
စာရင်းအနက် လက်သင့်ရာ ကျီးအာသီးများ
ကာကွယ်စောင့်ရှောက် အမျိုးသားစစ်အမြင် ဆိုက်ကို
အဆုံးသတ်ဖို့ မျဉ်းတကြောင်းသာ ဆွဲချရ
စိတ်သဏ္ဌာန်၌ ရှုပ်ထွေးနောက်ကျိနေတဲ့ ဆိုက်ကို
ဆိုက်ကို......။ ။

                 

ကေဇော်မိုး

…

အဲဒီက စခဲ့ပါတယ်

datab.us

ကမ်းပေးတဲ့ အခွင့်အရေးကို

လှမ်းယူဖို့

လက်ထဲက မျှော်လင့်ချက်ကို

လွှတ်ချလိုက်တယ်။

အဲဒီက စတာပါပဲ

မျက်နှာပြောင်ပြောင်နဲ့

တောင်စဉ်ရေမရ စကားတွေ

ပြောတတ်လာတယ်။

အစားကောင်းတွေစားလို့

အဝတ် အကောင်းတွေနဲ့

ကိုယ်ရောင် ကိုယ်ဝါ တောက်ပြောင်လာတယ်။

လူက ကိုယ့်ဘဝကိုယ်

တိုးတက်ဖို့ ကြိုးစားရမတဲ့

တိုးတက်ဖို့ နင်းတက်ရင်း

ပြောတတ်လာတယ်။

သွေးစုတ်ဖုတ်ကောင်တွေကို

ဖမ်းဖို့သွားတဲ့ သူရဲကောင်းဟာ

သွေးစုတ်ဖုတ်ကောင်အဖြစ်ခံပြီး

စွန့်စား စွန့်လွှတ်ခဲ့တယ်။

ငါတို့ရဲ့ဂုတ်ပေါ်မှာ

သွေးစုတ်ဖို့ ခဲထားတဲ့

အစွယ်ကတော့

တစုံမကတော့ဘူး။ ။

ကမ်လူဝေး