သစ်ခက်သံလွင် ကဗျာသုံးသပ်ချက်၊ ကိုနိုင်း ၏ ' မကျက်တကျက်စိတ်ကူးများနဲ့ စပေ့ခြားလိုက်တိုင်း ခွေးဟောင်သံတွေ ခုန်ထွက် ခေတ်ပေါ်ကဗျာများကိုခံစားမိခြင်း '

ပြတင်းတံခါးအဖွင့် ဇာခန်းဆီးအလွင့်( ၄၅ )

မကျက်တကျက်စိတ်ကူးများနဲ့ စပေ့ခြားလိုက်တိုင်း ခွေးဟောင်သံတွေ ခုန်ထွက်

ခေတ်ပေါ်ကဗျာများကိုခံစားမိခြင်း

ကိုနိုင်း

ဒီခေတ်မှာခေတ်ပေါ်ကဗျာတွေကို ကဗျာစာအုပ်အဖြစ် ထုတ်နေကြတာများလာပါတယ်။ မဂ္ဂဇင်းပုံနှိပ်စာမျက်နှာတွေကလည်း နည်းပါးနေပါပြီ။ နောက်တချက်ကမဂ္ဂဇင်းစာမျက်နှာတွေပေါ်ခေတ် ပေါ်ကဗျာတွေဖြတ်သန်းနိုင်ဖို့ဆိုတာကလည်း အယ်ဒီတာတွေနဲ့ရင်းရင်းနှီးနှီးဆက်ဆံတတ်ဖို့ဆိုတဲ့ လိုအပ် ချက်ရှိနေပါသေးတယ်။

ခေတ်ပေါ်ကဗျာတပုဒ်ဟာ ဘယ်လောက်ကောင်းကောင်းအယ်ဒီတာတွေက သူတို့နဲ့မရင်းနှီးနေရင် ချောင် ထဲ ထိုးထားလိုက်တာပါပဲ။ လစဉ်ဒီမဂ္ဂဇင်းထွက်ရင် ဒီကဗျာဆရာတွေ၊ ဟိုမဂ္ဂဇင်းထွက်ရင် ဟိုကဗျာဆရာ တွေ အမြဲပါနေမယ်ဆိုတာ ဗေဒင်တွက်စရာမလိုတော့ပါဘူး။ ကံကောင်းထောက်မစွာရွေးချယ်ခံရတဲ့ကဗျာ တပုဒ်ပါဖို့တလမှ တခါထွက်တဲ့မဂ္ဂဇင်းစာမျက်နှာပေါ်တွေ့ရဖို့ ဆိုတာကလည်း လတွေအကြာကြီး စောင့်နေ ရတတ်ပါတယ်။

အယ်ဒီတာအများစုဟာ ခေတ်ပေါ်ကဗျာကောင်းကိုမရွေးချယ်နိုင်ကြတာများနေပါတယ်။ မဂ္ဂဇင်းမှာအယ်ဒီတာအလုပ်ကို ဝါသနာအရင်းခံမျိုး မဟုတ်ပဲ လစာရဖို့အတွက် လုပ်နေကြတာပါ။ စာပေ ဝါသနာနဲ့ရင်းပြီးလုပ်နေကြတဲ့တာက အယ်ဒီတာလုပ်သက်ကြီးသူတွေလောက်ပဲ ရှိပါတော့တယ်။ စာပေလောကအကြောင်းကိုပြောမယ်ဆိုရင် ပြောစရာတွေများပါလိမ့်မယ်။

အခုအချိန်မှာ ခေတ်ပေါ်ကဗျာကောင်းတွေကိုဖတ်ချင်တယ်ဆိုရင်တော့  တစ်ဦးချင်း၊ နှစ်ယောက် သုံး ယောက်ပေါင်းထုတ်တဲ့ ကဗျာစာအုပ်တွေ ရှာဖတ်မှ ဖတ်နိုင်ပါလိမ့်မယ်။ အခုလည်း ခေတ်ပေါ်ကဗျာဆရာ မောင်သစ်ကြည်နဲ့ ဝါကျဖြူ နှစ်ယောက်ပေါင်းထွက်လာတဲ့ခေတ်ပေါ်ကဗျာစာအုပ်ကိုခံစားကြည့်မိပါတယ်။ စာအုပ်အမည်ပေးတာကိုက စိတ်ဝင်စားစရာကောင်းနေပါတယ်။”မကျက်တကျက်စိတ်ကူးများနဲ့စပေ့ခြား လိုက်တိုင်း ခွေးဟောင်သံတွေခုန်ထွက်” တဲ့။ ဆရာမောင်ကြည်သစ်ကတော့...

          “ရခိုင်ပြည်နယ်မှာ

         အကြမ်းဖက်မှုတွေ ဝေါခနဲ

         မေတ္တာခြုံပေမဲ့ မလုံနိုင်တဲ့ရာသီတုပ်ကွေးဖျားနာခြင်းများ

         အဓိပ္ပာယ်မဲ့တဲ့နေရာမှ  အဓိပ္ပာယ်မရှိတဲ့နေရာဆီ

         အရေပြားပေါ်က တက်တူးတွေ  လူသေဝိညာဉ်တွေ

         လာပူးကပ်နေ”

Add caption

ဆိုပြီးဖွင့်လိုက်ပါတယ်။ ဒီအဖွင့်ခေတ်ပေါ်ကဗျာတပိုင်းတစမှာပဲဖြစ်ပျက်နေတဲ့ခေတ်ကိုမြင်လိုက်ရပါတယ်။ မေတ္တာတရားတွေတဖြည်းဖြည်း ပွန်းပဲ့လာတဲ့ခေတ်ကြီးကို ကျွန်တော်တို့အားလုံး ရင်ဆိုင်နေရပါပြီ။ လူ့ဘဝရဲ့အဓိပ္ပာယ်တွေကို အရေပြားပေါ်က ထိုးထားတဲ့တက်တူးတွေကိုပြန်ပြီးမေးရမလိုဖြစ်နေပါတယ်။ 

အပေါ်ယံဖျားနာမှုတွေက တကယ်သေရေးရှင်ရေးလိုဖြစ်လာပါပြီ။ ဒါတွေက မေတ္တာတရားယို့ယွင်းနေမှု ကနေ အကြမ်းဖက်အရိုင်းခေတ်ကြီးကို ပြန်ရောက်သွားသလိုပါပဲ။ ဒီခေတ်ပေါ်ကဗျာစာအုပ်ထဲမှာကဗျာဆရာကထအော်လိုက်သံကိုလည်း ကြားလိုက်ရပါတယ်။ ”ဒီညမှာ ငါကဗျာရေးနိုင်ပြီ” တဲ့။ 

တကယ်တော့ ကဗျာရေးနိုင်တဲ့ညဟာ လောကကြီးကို အပိုင်ဝယ်လိုက်နိုင်တဲ့ညပါ။ စိတ်တခုကိုအပိုင်ရလိုက်တယ်ဆိုရင်လည်း မမှားပါဘူး။ ဒါဆို ဘယ်လိုအပိုင်ရလိုက်သလဲဆိုတာ ခံစား ကြည့်မိပါတယ်။

          ဟယ်လင်မင်းသမီးကြောင့် ထရိုင်မြို့ကြီး ပျက်စီးသွားတာမဟုတ်

         ထရိုင်မြို့ထဲ ထရိုဂျင်မြင်းရုပ် ဆွဲသွင်းလာလို့

         ဘယ်သူတွေ ဆွဲသွင်းခဲ့သလဲ(လူအ တွေ)

         ဘယ်သူတွေ မျှားခေါ်ခဲ့သလဲ(လူညစ်တွေ)

         လူအနဲ့လူညစ်တို့က

         တိုင်းပြည်ကို နစ်နာအောင် နှစ်နေပြီ

တကယ်ဖြစ်နေတဲ့တိုင်းပြည်ရဲ့ကံကြမ္မာပါပဲ။ ကျွန်တော်တို့တိုင်းပြည်မှာက လောဘမီးတောက်တွေ၊ ဒေါသ မီးတောက်တွေ ထတောက်လောင်နေလို့ မြို့ကြီးမီးလောင်နေရတာပါ။ ထရိုဂျင်မြင်းရုပ်တွေကို အပြင်က သွင်းစရာမလိုပဲ မြို့ကြီးထဲမှာ ရှိနေတာပါပဲ။ လူအတွေမဟုတ်ပဲ လူလယ်တွေ၊ မာယာပေါင်းစုံ ဖန်တီးတတ် တဲ့လူတွေကြောင့် တိုင်းပြည်ဟာ နစ်သထက်နစ်ခဲ့ရတာပါ။ ဘယ်လိုမှပြန်ဆယ်လို့မရနိုင်အောင် နစ်နေ တာပါ။

          ဒေါက်တာ သန်းထွန်းက ပြောတယ်

         သမိုင်းသင်တယ်ဆိုတာ မ,အအောင်လို့တဲ့

         လူညစ်တွေကြောင့် နိုင်ငံရေးက ညစ်နွမ်းရတယ်

         နှစ်ခြောက်ဆယ်သမိုင်းက ငါတို့ကို မ,အအောင်

         မုဆိုးစိုင်သင် သင်ပေးထားတယ်

         ဒါကြောင့် သမိုင်းအတွေ့အကြုံအရ

         ငါတို့ မ,အတော့ဘူး

         ငါတို့ ထောင်ချောက်ထဲမ၀င်တော့ဘူး။

ကဗျာဆရာကထအော်လိုက်သံက ငါတို့ မအတော့ဘူးတဲ့။ မှန်ပါတယ်။ ဖြတ်သန်းခဲ့ရတဲ့အတွေ့အကြုံတွေအရပြောမယ်ဆိုရင်တော့ သမိုင်းတွေ ကိုဖြတ်သန်းခဲ့လို့မအတာပါ။ ဒါပေမဲ့ ခေတ်ကြီးကတော့ အနေပါ တယ်။ ခေတ်ကြီးက ဘာကြောင့်အနေလဲဆိုရင် အဖြေက ရှင်းရှင်းလေးပါ။ ခေတ်ကြီးက စာမဖတ်တော့ ဘူးဆိုတာပါပဲ။ ခေတ်ကြီးက အ,နေတယ်ဆိုပေမယ့်လယ်(လည်)ပါတယ်။ 

ဟန်ဆောင်တတ်တဲ့ပညာကိုတော့ တတ်နေပါတယ်။ စာဖတ်ဟန်လည်း ဆောင်နေတတ်ပါတယ်။ ခေတ်ကြီးကိုက ဟန်ဆောင်ပွဲတက်ခေတ်ကြီးဖြစ်နေပြီပေါ့။ ကဗျာဆရာကတော့ ဒီညမှာ ငါကဗျာရေးနိုင်ပြီ ဆိုတာကို ဘယ်လိုကြွေးကြော်တာလဲဆိုတာ...

          ဒီနေ့ညမှာ မြူးတဲ့ကဗျာဟာ

         စကားလုံးတွေနဲ့ရေးတဲ့ ပန်းချီကားတစ်ချပ်

         ဒီနေ့ညမှာ ရေးတဲ့ပန်းချီကားဟာ

         အရောင်တွေနဲ့ရေးတဲ့ ကဗျာတစ်ပုဒ်

         ဒီနေ့ညမှာ ငါကဗျာတစ်ပုဒ်ရေးနိုင်ပြီ

         Tonight I can writhe.

         ဒါပေမဲ့

         အဲဒီကဗျာ မပြီးသေးဘူး။

တကယ်တော့အဲဒီကဗျာမပြီးသေးဘူးဆိုတာကိုတော့ ကဗျာဆရာကိုယ်တိုင်ဝန်ခံသွားပါတယ်။ ရေးနေနိုင်တာကိုက ကျေနပ်စရာကောင်းနေပါ တယ်။ ဒီကဗျာပြီးဆုံးဖို့ဆိုတာကိုလည်း ဘယ်သူမှမပြော နိုင်မယ်မထင်သေးပါဘူး။ ခေတ်ကိုယ်တိုင်ကသူရဲ့လမ်းပြမြေပုံကိုယောင်ဝါးဝါးဖြစ်နေပါ တယ်။ ဒါပေမဲ့ ဒီခရီးကိုရောက်အောင်တော့ရှေ့ဆက်သွားနေရမှာပါ။ ဒါကိုကဗျာဆရာက ” တိမ်တွေငိုနေတဲ့ ဝေမှောင် အုံ့ပျ ကောင်းကင်” ဆိုတဲ့ ခေါင်းစဉ်နဲ့ ဒီလိုရေးပြသွားပါတယ်။

          `ကောင်းကင်မှာတိမ်တွေ ငိုနေ ဝေမှောင်အုံ့ပျသင်္ကေတတခု

         ပူဆွေးဝမ်းနည်းခြင်းဟာ ခရမ်းလွန်ရောင်ခြည်

         ပန်းမပန်ခြင်းက မဗေဒါရဲ့ငိုရှိုက်သံ

         တိုင်းပြည်ကြီးတခုလုံးကို အေးချမ်းသွားအောင်

         ရင်ထဲထည့်ထားတဲ့ရေခဲသေတ္တာတစ်လုံး

         ဒီနေ့ မတ်လ ၁၃ ရက်နေ့ မှတ်မှတ်ရရသ၀ဏ်လွှာတစ်စောင် ပို့ခဲ့။

ကျွန်တော်တို့တိုင်းပြည်ကြီးဟာ ဘာကြောင့်ပူဆွေးဝမ်းနည်းနေရသလဲဆိုတာ မတ် ၁၃ သင်္ကေတကအစပြု နေပါတယ်။ ဒီသင်္ကေတအစပြုပြီး ဒီလမ်းပြမြေပုံအတိုင်း ခရီးစထွက်ခဲ့ရတာပါ။ ဒီခရီးလမ်းကတော့ ခရီး ရှည်ချီတက်ပွဲလို ခက်ခဲကြမ်းတမ်းခဲ့ပါတယ်။ အဆုံးရှုံးခံ၊ စွန့်လွှတ်စွန့်စားမှုများစွာနဲ့ ဒီခရီးမှာပေးဆပ်ပြီး ဖြတ်သန်းခဲ့ရတာပါ။

          လူတွေကိုအပူတွေ ဝေမမျှချင်

         ပေတစ်ရာကို သေစရာလို့မမြင်

         အထိအခိုက် အကျအဆုံး နည်းနိုင်သမျှနည်းတဲ့ဗျူဟာ

         ခေါင်းငုံ့ဝင်လိုက်ရပေါ့ ကျမ်းကျိန်လွှာတခုအောက်မှာ

         ကိုယ့်ဘက်မှာ အမြဲမရှိ ရာသီဥတု

         ပေါက်ပြဲမှုအခြေအနေ ဦးစားပေးပြုပြင်ရမယ့်နေရာ

         မလုပ်ခင်ကတည်းက စိတ်နဲ့ ကြိုတင်လုပ်ခဲ့ပြီးသား။

အပူတွေကိုလူတွေ မဝေမျှချင်လို့ဆိုတဲ့အကြောင်းပြချက်ခေါင်းစဉ်တခုနဲ့ ခေါင်းစဉ်တခုအောက်ကို ခေါင်းငုံ့ ဝင်ပေးလိုက်ရတာပါလို့ ကဗျာဆရာက ဖွဲ့ပြသွားပါတယ်။ ဒီငုံ့ဝင်ပေးလိုက်ရတဲ့ခေါင်းစဉ်အောက်မှာ ပိတ်မိ နေသလို ပြန်အထွက်ခက်နေရတာမျိုးကို ရင်ဆိုင်နေရပါပြီ။ လူတွေအပူမမျှဝေချင်ဘူးဆိုပေမယ့် လူတွေ အပူတွေပိုပိနေကြပါတယ်။ ကြိုတင်စီစဉ်ခဲ့တယ်ဆိုပေမယ့် ကဗျာဆရာပြောသလို ရာသီဥတုက အမြဲကိုယ့် ဘက်မှာ ရှိမနေတတ်ဘူးဆိုတာကို ကြုံတွေ့နေရပါတယ်။ ဒါတွေဟာ ဘာဖြစ်လို့လဲဆိုတဲ့အမေးကို ဒီလိုဖြေ ပြလိုက်ပါတယ်။

          ကျည်ဆန်ဆိုတာ ပြည်သူ့ဘဏ္ဍာ

         ပစ်မှားသည်ဖြစ်စေ ပြစ်မှားသည်ဖြစ်စေ သတ်ပုံမှန်ဖို့ အဓိကမဟုတ်

         ခွင့်လွှတ်ခြင်းဟာ အကောင်းဆုံးလက်စားချေခြင်း

         ကြောက်ရွံ့ခြင်းကြောင့် မိုက်ရူးရဲသူများ

         အစက ကျွန်မ မပြောဘူးလား

         ဒါဟာ ကိုယ်ကျိုးစွန့်အနစ်နာခံခြင်း မဟုတ်ပါ

         ကျွန်မရွေးချယ်မှုတခုပါ

         ရှင်တို့လည်း ဒီလူ့အဖွဲ့အစည်းထဲမှာ ပါဝင်သူတွေ မဟုတ်လား

         အေးအတူ ပူအမျှနဲ့ ဖေးကူကြရင်

         ဒီခရီးဟာ မရောက်ခင်တော့

         အကြာကြီးလို့ ထင်ရတာပေါ့။

ဒီခရီးကိုဆက်လျှောက်ရင် တစ်နေ့နေ့တော့ရောက်မှာပါ။ ဒီခရီးမှာလမ်းပြမြေပုံက ယောင်ဝါးဝါးဖြစ်နေပါ တယ်။ ဒါက အကြီးမားဆုံးစိန်ခေါ်မှုတခုပါ။ နောက်ကျည်ဆန်ဆိုတဲ့အာဏာပြဿနာကလည်း အလွန် လိမ္မာပါးနပ်စွာ ကိုင်တွယ်နေရပါတယ်။ ဒီအခက်အခဲကိုဦးဆောင်သူမဖြေရှင်းနိုင်သရွေ့တော့ ရောက်ချင် နေတဲ့ခရီးလမ်းဟာ တုံ့ဆိုင်းနေဦးမှာပါပဲ။ ကဗျာဆရာပြောသလို ဒီလူ့အဖွဲ့အစည်းထဲမှာပါဝင်သူတွေအနေ နဲ့ ဖေးကူနိုင်ကြဖို့ လိုအပ်နေတာအမှန်ပါပဲ။ ဒီနေရာမှာလိုအပ်ချက်တခုကတော့ ဖေးကူချင်သူတွေ ဘယ် လို ဖေးကူနိုင်မလဲဆိုတာ လမ်းညွှန်ပြနိုင်ဖို့လိုပါတယ်။ လမ်းညွှန်ပြရုံတင်မဟုတ်ပဲရှေ့ကဦးဆောင်နိုင်ဖို့ အရေးကြီးပါတယ်။ ဒါကိုသိမှ ဒီခရီးကိုဆက်လျှောက်လှမ်းနိုင်မှာပါ။

ဒါကိုထားလိုက်ပါတော့။ ကဗျာဆရာရဲ့ မကျက်တကျက်စိတ်ကူးများ ကို ဘာကြောင့်မကျက်တကျက် စိတ်ကူးတွေဖြစ်နေရသလဲဆိုတာ ခံစားကြည့်ရအောင်။

          နေ့စဉ်သုံးဘာသာစကားဟာ စကားပြေဖြစ်တယ်

         နေ့စဉ်ရှူနေတဲ့အောက်ဆီဂျင်ဟာ ကဗျာဖြစ်တယ်

         ကျွန်တော့်ခေါင်းအုံးအောက်မှာ ညကရေးပြီးသား ကဗျာတွေ

         ပက်လက်လှန်အိပ်ပျော်နေတယ်။

ဒါကဗျာဆရာရဲ့နေ့စဉ်ရှုရှိုက်နေရတဲ့ဘဝတခုပါပဲ။ နေ့စဉ်သုံးစကားတွေဟာ စကားပြေဖြစ်နေသလို တခါ တရံမှာလည်း ကဗျာတွေဟာ စကားပြေဖြစ်သွားတတ်ပါတယ်။ ဒီခေတ်မှာ စကားပြေတွေက နေရာ အတော်များများကို အစားထိုးဝင်ရောက်လာကြပါတယ်။

          အမေရိကန်ကဗျာဆရာဒေးဗစ်လေးမန်းကတော့

         “အမျိုးသမီးတစ်ယောက်ရဲ့အတွင်းခံဟာ

         (ဘယ်သမိုင်းခေတ်မှာမဆို) ကဗျာဖြစ်တယ်”တဲ့

         ဒါကြောင့်ထင်ပါရဲ့၊ ညက အိပ်မက်တွေ ညှီစော်နံလိုက်တာ

         ပြီးတော့ …”အိပ်မရတဲ့ရောဂါဟာ စကားပြေဖြစ်တယ်”တဲ့

         ပြီးတော့ …”အမျိုးသားတယောက်ရဲ့အတွင်းခံဟာ

         (ဘယ်သမိုင်းခေတ်မှာမဆို)စကားပြေဖြစ်တယ်”တဲ့

         ဒီညတညလုံး အိပ်မရလို့ ဇော်ဇော်အောင်ရဲ့အတွင်းခံဘောင်းဘီနဲ့

         စကားစမြည်ပြောတယ်

         ပြီးတော့ …တာရာမင်းဝေဟာ အတွင်းခံဘောင်းဘီတစ်ထည်ဖြစ်ပြီး

         အိပ်မရတဲ့ စိတ္တဇဝေဒနာ ခံစားနေရတယ်

         “ယုံမှားလွန် စိတ်ဝေဒနာဟာ ကဗျာဖြစ်တယ်”တဲ့

         ကျွန်တော် ယုံမှားလွန်ဝေဒနာနဲ့ မေရီအန်းမိုးရဲ့

         အတွင်းခံဖြစ်တဲ့ ‘ဝါး’ကိုကောက်နမ်းမိတယ်

         ‘သေဆေးထိုးပြီး သေပွဲဝင်တာ စကားပြေဖြစ်တယ်”တြဲ

         ကျွန်တော်ဟာ မအောင်မြင်တဲ့အနုပညာငနဲတကောင်ပါ

         သေဆေးအထိုးခံရမလား စကားပြေရေးသားသူမဟုတ်လို့ ကျွန်တော်နဲ့

         မသက်ဆိုင်ပါ

         “သေနတ်နဲ့ကွပ်မျက်ခံရပြီး သေတာဟာ မြင့်မြတ်ပြီး နက်နဲသိမ်မွေ့တယ်” တဲ့

         ဒါဆိုရင် ဂျွန်လင်နွန်ဟာ မြင့်မြတ်သူပေါ့

         ကျွန်တော် ဘယ်လိုသေပွဲဝင်ရမလဲ။

ဒီကဗျာမှာကျွန်တော်တို့ခေတ်က ပြောင်းလဲရွေ့လျားနေတဲ့ခေတ်ပေါ်ကဗျာဆရာမောင်သစ်ကြည်ကို ပြန် တွေ့လိုက်ရပါတယ်။ သူရေးတဲ့ကဗျာတွေက အနည်းငယ်ထူးဆန်းတဲ့အတွေးတွေကို နက်နဲသိမ်မွေ့စွာ ပေးပါတယ်။ ဒါကြောင့်လားဆိုတာ မပြောနိုင်သေးတဲ့သတ်မှတ် ချက်တခုက ”ဖူ” ကဗျာသဘောတရားကို ဖော်ပြတဲ့အချက်ထဲမှာပါဝင်နေတာကို။ ဒီမကျက်တကျက်စိတ်ကူးများကိုမကျက်တကျက် ခံစားလိုက်ရပါ တယ်။

ခေတ်ပေါ်ကဗျာဆရာ ဝါကျဖြူရဲ့ စပေ့ခြားလိုက်တိုင်း ခွေးဟောင်သံတွေခုန်ထွက် ကိုတော့ ဆက် ခံစားကြည့်ဖို့ စပေ့တချက် ခြားလိုက်ရပါတယ်။

ကိုနိုင်း

ခံစားသုံးသပ်မိသောကဗျာများ

၁။ မောင်သစ်ကြည်၊(မကျက်တကျက်စိတ်ကူးများနဲ့စပေ့ခြားလိုက်တိုင်း ခွေးဟောင်သံတွေခုန်ထွက်)၊ကဗျာစာအုပ်မှကဗျာများ။စက်တင်ဘာလ ၂၀၁၇။

 -

The Sun Rays Journal, Vol-1 , No-181, Jan 6,2018