Wednesday, September 21, 2016

k

သစ်ခက်သံလွင် အက်ဆေး၊ မင်းလွင်၏ "ကျွန်တော် ရေကန်ဘေးကို ရောက်ခဲ့ရပြန်တယ်"



ကျွန်တော်
ရေကန်ဘေးကို
ရောက်ခဲ့ရပြန်တယ် ...

www.pinterest.com


သည်ကန်ရေပြင်က ဖြူတခါပြာတလှည့် စိမ်းတခါဝါတလှည့်ဖြစ်နေသလို ကျွန်တော့် စိတ်ဟာ နေ့စဉ်ဘဝ အဖြစ်အပျက်တွေကြောင့် သောက မောဟ ဒေါသ လောဘတွေနဲ့ တုန်ခါနေတတ်တယ်။


ဆွေးလျဖွယ်တိမ်တွေဟာ အနီရောင်တောက်လို့။ ဆရာ အောင်ခင်မြင့်ရဲ့ကဗျာတပုဒ်ထဲက "တ်ိမ်တွေဟာ မီးစွဲလောင်နေတဲ့ အိမ်တလုံးလို" ဆိုတဲ့စာသားကိုသတိရမိတယ်။ ဒါပေမဲ့ ခုကျွန်တော်မြင်ရတဲ့ တိမ်တွေက မီးလောင်နေတဲ့ ရွက်သင်္ဘောတစင်းလို တရွေ့ရွေ့မြောလွင့်လို့။ 

လေနဲ့အတူမြောလွင့်လို့။

ဟုတ်တယ် အဲသည်လေတွေပါပဲ။ ကျွန်တော်တို့ရဲ့နေ့စဉ်ဘဝကို ငြီးငွေ့မှုနဲ့စိတ်ပျက်မှု Apathy၊ အဓိပ္ပာယ်မဲ့မှုတွေ ကိုလွင့်ပါးသွားအောင်တိုက်ခက်နိုင်တာ။ အဲသည် ကန်ရေပြင်ကိုဖြတ် လာတဲ့ လေတွေပါပဲ။

ကန်စပ်မှာ ဗေဒါပင်တွေ။ သည်ဗေဒါတွေဟာ ဆရာဇော်ဂျီရဲ့ ဗေဒါ၊ ဝေါ့စ်ဝါ့သ်ရဲ့ ဒဖိုးဒေးလ်း၊ မဟုတ်ပါဘူး။ ခင်ဝမ်း၊ ခင်မောင်တိုးတို့ရဲ့ပန်းခရမ်းပြာလည်း မဟုတ်ပါဘူး။ ကန်စပ်မှာ ကျွန်တော်မြင်နေကျ ဗေဒါတွေပါပဲ။ ကန်စပ်မှာ အုပ်လိုက်ကျင်းလိုက်ပေါက်နေတာပါပဲ။

သည်ကန်ထဲကို ဖားတွေခုန်ချလေ့ရှိသလား။ ဗရှိုးရဲ့ဖားကော ခုန်ချခဲ့သေးလား ကျွန်တော် မသိပါဘူး။ ဘာ ပလုံ မြည်သံမှ မကြားမိလို့ပါ။ သည်ကန်စပ်ကို ခင်ဗျားရောက်ရင် ပိုးကောင် မွှားကောင်တွေရဲ့ တစီစီအသံတွေ၊ (ဘာငှက်မှန်းကျွန်တော်မသိတဲ့) ငှက်အော်သံတွေ၊ ကန်ဘောင်က ကင်တင်းကို လာသူတွေရဲ့ စကားသံတွေ၊ (မိုးရွာတဲ့အချိန် ) ကန်ရေထဲ မိုးပေါက်ကျသံတွေကြားရလိမ့်မယ်။

တကယ်လို့ ဖားတကောင်ခုန်ဆင်းခဲ့ရင်လည်း ကျွန်တော်ကြားမိမယ် မထင်ဘူးဗျ။ ဘာလို့ဆို သည်ကန်ဘေးရောက်တိုင်း ကျွန်တော့်စိတ်ထဲမှာ နေ့စဉ်ဘဝက အဖြစ်အပျက်တွေရဲ့ ပုံရိပ်ထင်မှု တွေနဲ့ပဲ ပြည့်နေတတ်တယ်။ နေ့စဉ်ဘဝဆိုတဲ့ စီကရက်ကိုရှိုက်ဖွာပြီး ဆေးငွေတွေ ကျွန်တော့် စိတ်ထဲ ကျပ်ခဲကပ်ငြိနေတယ်။ (မီးခိုးငွေ့တွေလိုမျိုး လွင့်ဝဲဝေးပျောက်မသွားဘူး) 

သည်ကန်ရေပြင်က ဖြူတခါပြာတလှည့် စိမ်းတခါဝါတလှည့်ဖြစ်နေသလို ကျွန်တော့် စိတ်ဟာ နေ့စဉ်ဘဝ အဖြစ်အပျက်တွေကြောင့် သောက မောဟ ဒေါသ လောဘတွေနဲ့ တုန်ခါနေတတ်တယ်။ 

ကန်ရေပြင်ဟာ ကောင်းကင်နဲ့တိမ်တွေကို ပြန်ပြီးအရိပ်ထင်ပြသလိုမျိုး နေ့စဉ်ဘဝရဲ့ပုံရိပ်တွေ ( ထင်မှတ် မှားမှုတွေ) ပဲကျွန်တော့်စိတ်ထဲထင်နေတယ်။ အဖြစ်အပျက်တွေနောက်ကွယ်က တကယ့် တရားကိုယ် သဘောကို တခါမှမစေ့ငုကြည့်မိခဲ့ဘူး။ ကောင်းကင်နဲ့တိမ်ကို မော့မကြည့်ဘဲ ကန်ရေပြင်က ပုံရိပ်တွေကို ကြည့်ပြီး ထင်မှတ်မှားနေသလိုမျိုးပေါ့။

တခါတလေကျွန်တော်တယောက်တည်း (သူငယ်ချင်းတွေမခေါ်ပဲ) ကန်ဘေးကိုသွားတယ်။ တယောက်တည်းဖြစ်/ရှိနေတဲ့အချိန် ဖားခုန်ချသံကြားလေမလား သေချာနားထောင်ကြည့်မိတယ်။ ကန်ကိုဖြတ်လာတဲ့လေထဲ ကျွန်တော့်ရဲ့နေ့စဉ်ဘဝကို ငြီးငွေ့နေမှုကို လွှင့်မျှောလိုက်တယ်။ ပြီးတော့ ကောင်းကင်နဲ့တိမ်ကို မော့ကြည့်မိဖို့ ကြိုးစားမိတယ်။

ဒီညနေလည်း ကျွန်တော် ကန်ဘေးကိုရောက်လာရပြန်တယ်။

မင်းလွင်