သစ်ခက်သံလွင်၊ ရေမြေခြားက မြန်မာ၊ ဌေးဝင်း၏ "မင်းသန့်ခိုင်"

မင်းသန့်ခိုင်
ဌေးဝင်း

အမေရိကန်ပြည်ထောင်စု ပင်ဆီဗေးနီးယား ပြည်နယ်က မူလတန်းကျောင်းသားလေးတယောက် ကျောင်း ပိတ်ရက်မှာ ဘောလုံးသင်တန်းတက်နေတဲ့ ပုံလေးတွေက တကယ့်ကို အားမာန်ပါပါ ရှိလှပါတယ်။ သူ့မိခင်ရော ဖခင်ကပါ သားရဲ့ ဘောလုံးလေ့ကျင့်ရေးကွင်းကို လိုက်ပါ အားပေးနေ ကြတယ်။ ဒီပုံတွေကို ကြည့်ပြီး နယူးဇီလန်မှာနေတဲ့ ကဗျာဆရာ ကိုခင်လွန်းက အခုလို ကွန်မင့် ပေးထားလေရဲ့။ 

´ဟား ရှားပါး မင်းသန့်ခိုင်က တကယ် စတိုင်ကျတယ်ဗျာ.. အဲဒီလောက် လှမ်းမြင်တာနဲ့ အကဲဖမ်းမိပြီ။ ၀မ်းသာလိုက် တာ။ မကြာမီ ( ရခိုင်သား) မြန်မာပြည် မက်ဆီ လာတော့မည်…..´တဲ့။ 

အဲဒီကလေးလေးဟာ ကိုစောနောင်ရဲ့ညီငယ်ပမာ ချစ်ခင်ရတဲ့ ကိုလှရွှေနဲ့သူ့တပည့်မ မစံကျော့ခိုင်တို့ရဲ့ တဦးတည်းသောသားပါ။ သူတို့မိသားစု ထိုင်းနိုင်ငံ မဲဆောက်မှာနေခဲ့တုန်းကတော့ သူဟာ မဲဆောက်ရောက်တိုင်း မင်းသန့်ခိုင်လေး ကို ချီပိုးရင်း ဆော့နေကျ။ ဒီကောင်က ဆော့တာတော့ အတော်ဆော့တဲ့ကောင်။ အငြိမ်ကိုမနေတာ။

သူ့အဖေနဲ့လိုင်းပေါ်မှာတွေ့တိုင်း သူဟာ အဲဒီ ကလေးအကြောင်းကို အမြဲတမ်းမေးတတ်တယ်။ တနေ့မှာတော့ သူ့အဖေပြောပြတဲ့ မင်းသန့်ခိုင် ရဲ့စကားတခွန်းက သူ့ကိုအံ့သြသွားစေတယ်။ ဒီစကားလုံး မျိုးက သူ့ဘ၀ သူ့ပတ်ဝန်းကျင်နဲ့ စိမ်းတဲ့ စကားလုံး။ စိမ်းဆို ဒီစကားမျိုးကို မိဘကို ဆရာသမား ကိုပြောရင် ငရဲကြီးတတ်တယ်ဆိုတဲ့အသိနဲ့ တသက်လုံး ကျင်လည်လာခဲ့တာမဟုတ်လား။ သူ့အဖေ ကိုလှရွှေပြောပြ တာက ...

´ဂိုးကြီး.. ကျွန်တော့်သားကို ကျွန်တော်က ဘယ်စာအုပ်ဖတ်၊ ဘယ်စာအုပ်မဖတ်နဲ့ ဘာလုပ် ဘာမလုပ်နဲ့ လို့ပြောရင် သူက ဘာပြန်ပြောလဲ သိလား´

´မသိဘူးလေ.. ငါ့ညီ။ မင်းသားလေးက ဘာပြန်ပြောလဲ´

´သားက ပြန်ပြောတာက.. It is not fair တဲ့။ တရားမျှတမှု မရှိဘူးတဲ့...ဂိုးကြီး´

ဒီစကားလုံးလေးတလုံးက သူတို့သားအဖကြားမှာ ဘာမှမထူးခြားပေမဲ့ မြန်မာပြည်က မိသားစုတစုအတွင်း မှာသာဆိုရင် ဒီကလေးဟာ ဘာယ်လောက်တောင် ကျောပြင်ကို ဗျောတင်ခံလိုက်ရမလဲမသိဘူး။ အထူး သဖြင့် ကျေးလက် တောနေမိသားစုထဲမှာဆိုရင် သေဖို့သာပြင်။ 

ဘာကြောင့်ဆို ကိုယ်တွေတိုင်းပြည်မှာက ကလေး က လူကြီးပြန်ပြောရင် မကြိုက်တတ်ကြဘူးမဟုတ်လား။ ပြီးတော့…အားမနာရာလည်း ရောက်တယ်လို့ သတ် မှတ်ကြတယ်မဟုတ်လား။ ဒီထက်ပိုကဲပြီး အုပ်ချုပ်သူအသိုင်းအ၀ိုင်းကိုသာ ပြောလိုက်ကြည့်ပါ လား။ ဒါဟာ ချက်ချင်းနိုင်ငံရေးစကား ဖြစ်သွားပြီး အနည်းဆုံး ၇ နှစ်လောက် လူ့ဘုံလောကနဲ့ အဆက်ပြတ်သွားနိုင်တယ်။ အရှင်လတ်လတ်ငရဲစခန်းဖြစ်တဲ့ ထောင်နန်းမှာ ခံပေရော့။ သူက ကိုယ်တိုင်ခံဖူးထားဖူးသူဆိုတော့ သိတယ်လေ။

ဒါပေမဲ့ အခုခေတ်မှာတော့ ဒီလိုဟုတ်တော့ပါဘူး။ အဲ…တခုတော့ ရှိတယ်။ ထောင်တန်းမကျနိုင်တော့ပေမဲ့ အမြင်မတူသူတွေရဲ့ အမုန်းပွားခြင်း အာဃာတထားခြင်းကို ကျိန်းသေခံရမှာ မလွဲပါဘူး။

´ဂိုးကြီး´ ဆိုတာက ကျွန်တော်တို့ဒေသက ´အကိုကြီး´ လို့ခေါ်တဲ့ ဝေါဟာရပါ။ ရခိုင်ဒေသိယ စကားတလုံးပေါ့။ မျိုးဆက်သစ်တွေသုံးနေကြတဲ့ ´ကွီး´ရဲ့အဓိပ္ပာယ်နဲ့ အတူတူပါ။

…………………

မင်းသန့်ခိုင်ကို ထိုင်းနိုင်ငံ တာ့ခ်ခရိုင် အုန်းဖန်ဆေးရုံမှာမွေးတယ်။ အဲဒီတုန်းက သူ့မိဘတွေက နို့ဘိုး ဒုက္ခသည်စခန်းမှာနေတုန်း။ လွန်ခဲ့တဲ့ သုံးနှစ်လောက်က အမေရိကကို ရောက်သွားကြတာ။ မင်းသန့်ခိုင် ၂ နှစ်သား အရွယ်ကပေါ့။ သူတို့မိသားစု ရောက်ရောက်ချင်း ဒီ ပင်ဆီဗေးနီးယား ပြည်နယ်ကို ရောက်လာ တာမဟုတ်ဘူး။ အခြားတမြို့မှာ နေခဲ့သေးတယ်။ ဒါကို မင်းသန့်ခိုင်ရဲ့အဖေက ကျွန်တော် လေ့လာသင့် တာကို လေ့လာတယ်။ အဓိကက ပညာရေး။ ကျောင်းတွေအကြောင်း..။ ဒီနိုင်ငံမှာက ကျောင်းတွေအားလုံး ကို စုံစမ်းလို့ရတယ်။ ဘယ်ကျောင်းက ကောင်းလဲ၊ ဘယ်ကျောင်းက မကောင်းလဲ စသည်ဖြင့်ပေါ့။ ဒီကျောင်းမှာက ရံပုံငွေ ဘယ်လောက်ရှိသလဲ။ ဆရာတွေကို ဘယ်လိုခန့်ထားလဲ။ လစာဘယ်လိုပေးသလဲ သိလို့ရတယ်။ အဲဒီအ ချက်အလက် အားလုံးကို ၀က်ဘ်ဆိုဒ်မှာ ရှိတယ်။ ၀င်ကြည့်လို့ရတယ်လေ။ 

ဒီနေရာမှာ တခုသတိထားမိတာ ကျောင်းမကောင်းတဲ့အရပ်မှာ အိမ်လခတွေ အများကြီး သက်သာတယ်… ဂိုးကြီး။ အရင် ကျွန်တော်နေခဲ့တဲ့အရပ်မှာဆိုရင် အိမ်လခ တလကို မှ လေးရာပေးရတယ်။ ကျောင်းက လုံးဝမကောင်း။ အဲဒီနေရာမှာ မြန်မာတွေ အများကြီး နေကြတယ်။ သုံးရာလောက် ရှိမယ်ထင်တယ်´

ကိုလှရွှေပြောပြတာကို နားထောင်ရင်း သူအံ့သြနေတယ်။ ကိုယ့်တိုင်းပြည်နဲ့ကွာလှချည်လားပေါ့။ အင်းလေ.. ကွာမှာပေါ့။ ဒါက အမေရိကကိုး။ ကမ္ဘာ့ထိပ်တန်းနိုင်ငံကြီးကိုးလို့ သူ့ဘာသာ ဖြေတွေး တွေးနေ တယ်။ ကိုလှရွှေက ဆက်ပြီး…

´ကျွန်တော်က ၀က်ဘ်ဆိုဒ်ထဲမှာ လိုက်ရှာတော့ ဒီနေရာမှာ ကျောင်းကောင်းရှိတယ်ဆိုတာကို တွေ့ရတယ်။ အဲဒီနေရာနဲ့ကျွန်တော်နဲ့က သိပ်မဝေးဘူး။ ကားနဲ့တနာရီလောက် မောင်းသွားရင် ရတယ်။ ဒီနေရာမှာ မြန်မာနိုင်ငံသားလည်း တယောက်မှမရှိသလို.. အာရှတိုက်သားလည်း တယောက်မှမရှိဘူး၊ အားလုံး အဖြူတွေချည်းပဲ။ ဒီနေရာက ပင်ဆီဗေးနီးယားမှာ နံပတ်တစ်လောက် ရှိတယ်။ အိမ်လခကလည်း တထောင့်တရာလောက် ပေးရတယ်။ အရင်နေရာနဲ့ ခုနစ်ရာ လောက် ကွာတယ်´

မင်းသန့်ခိုင်အဖေတယောက် သူ့သားရဲ့အနာဂတ်အတွက် ကျောင်းကောင်းကန်ကောင်းထားနိုင်ဖို့ အားတက်သရောဖြစ်နေချိန် ကိုလှရွှေငယ်စဉ်ဘ၀က သူ့ဇာတိ အ၀ပြင်ရွာထက်ပိုကြီးတဲ့ စနဲ တို့ ကျောက်ဖြူ တို့ကို ကျောင်းတက်ဖို့သွားရာမှာ ဖိနပ်တောင်စီးဖို့တောင် ခက်ခဲခဲ့တဲ့အကြောင်း သူကိုယ်တိုင်ရေးခဲ့တဲ့ ´ဖိနပ်ပုံပြင်´ အက်ဆေးကို သတိရရင်း ပြုံးမိသေးတယ်။ 

 ဒါတွေဟာ သားသမီးတို့ရဲ့အနာဂတ်ပုံရိပ် လှလှလေးတွေအတွက် မရိုးနိုင်တဲ့မိဘတို့ ရဲ့မေတ္တာဘဲ မဟုတ်လား။ ကိုယ်တိုင်တုန်းက ဘာတွေဖြစ်ခဲ့ဖြစ်ခဲ့ သားသမီးအလှည့်မှာတော့ ငါ့လိုမဖြစ်စေရဘူးဆိုတာ ဓမ္မတာပါ။ မင်းသန့်ခိုင်တို့ရဲ့အမေရိကန်ပညာရေး စနစ်က ကိုယ်တွေနဲ့ လားလားမှမဆိုင် လောက်အောင် ကွာခြားနေတာကို သူ့အဖေက ခုလို ဆိုပြန်ပါတယ်။

´ဒီမှာက အစိုးရဆီက ထောက်ပံ့တဲ့အပြင် သက်ဆိုင်ရာ ခရိုင်အတွင်းမှာနေတဲ့ ပြည်သူတွေ၊ ကုမ္ပဏီ အကုန်လုံးက ကျောင်းအတွက် ပိုက်ဆံပေးကြရတယ်။ ဒါကြောင့် သူတို့ကျောင်းမှာ ကိုယ်ပိုင်ရန်ပုံငွေတွေ ရှိတယ်။ အခု ကျွန်တော်နေတဲ့ မြို့က ကုမ္ပဏီတွေ ရုံးတွေ စတဲ့ စီးပွားရေးလုပ်ငန်းအားလုံးက ဒီစာ သင်ကျောင်းတွေအတွက် အခွန်ပေးရတယ်။ ကျွန်တော်တို့လည်း ပေးရတယ်။ ပြောရရင် ကုမ္ပဏီတွေ အများကြီးရှိတဲ့နေရာတွေမှာ ကျောင်းကောင်းကောင်းတွေ ရှိတယ်။ ဒါကြောင့် ပိုက်ဆံချမ်းသာတဲ့ လူတွေနေ တဲ့အရပ်မှာ ကျောင်းကောင်းတယ်။ ဆိုပါစို့ ကျွန်တော်က တနှစ်မှာ ဒေါ်လာ တသိန်းဝင်တယ်ဆိုရင် ၁၅ ရာခိုင်နှုန်း ဆောင်ရတယ်… ထား။ တနှစ်ကို အဲဒီကျောင်းအတွက် ဒေါ်လာတသောင်းခွဲ ဆောင်ရတဲ့ သဘောပေါ့။ ပိုက်ဆံရှိတော့ ကျောင်းဆရာကောင်းကောင်းကို ခန့်နိုင်တာပေါ့´

`ကျောင်းကောင်းဆိုတာတော့ ငါ့ညီပြောလို့သိရပါပြီ။ သင်ပုံသင်နည်းလေးလည်းသိသလောက် ပြောပြ ပါဦးကွာ´ 

´ကျွန်တော့သားဆိုရင် အခု ငါးနှစ်ပဲ ရှိသေးတယ်။ ကျောင်းတက်ပြီး တပတ်အကြာမှာ ဆရာမနဲ့ လေ့ လာရေးခရီး ထွက်ရတယ်။ ဘယ်ကိုသွားကြလဲဆိုရင် လယ်လုပ်တဲ့နေရာကို သွားကြတယ်။ ဒါဟာ သူတို့ကို ကမ္ဘာလောကကြီး အကြောင်းကို စတင် သင်ပေးဖို့ မိတ်ဆက်တဲ့သဘောပေါ့။ ဒီကလေးလေးကို ဆရာမက ဘာခိုင်းသလဲဆိုရင် မင်းအိမ်နားမှာရှိတဲ့အပင်ဆယ်မျိုးလောက်ရဲ့ နာမည်ကိုရေးလာခဲ့ဆိုတာမျိုး စလုပ်တယ်။ ဒီအခါမှာ ကလေးက အဲဒီ အပင်ဆယ်မျိုးကိုသိအောင် လုပ်ရတယ်။ မလုပ်လို့မရဘူး။ 

သိအောင်လုပ်ပြီး နောက်နေ့သူ့ဆရာမကို ပြန်ပြရတယ်။ နောက်တခုက ပုံဝတ္ထု ဖတ်ရတယ်။ စာအုပ်ဖတ်ခိုင်းတယ်။ နောက်အပတ် မင်းပုံပြောရမယ်။ အလှည့်ကျပေါ့။ ဘာကို ပြောပြော ပြောဖို့အဓိက။ သူ ဖတ်ချင်ရာဖတ်လာခဲ့။ အာကာသအကြောင်းလား၊ လူအကြောင်းလား၊ တိရစ္ဆာန်အကြောင်းလား ပြော ချင်ရာပြော ရတယ်´

´မိုက်နေရော.. နော်၊ သူတို့က သိတာကို ပြန်ပြော။ ငါတောင် မင်းသားနဲ့လိုက်ပြီး ကျောင်းတက် ချင်စိတ် ပေါက်လာပြီ။ တကယ်ပဲ။ မင်းတို့ ငါတို့မှာတော့ ကလေးဘ၀ကနေ ဘွဲ့ရ ဘွဲ့လွန်ထိ ကျက်လိုက်ရတဲ့စာ.. နားလည်လည် မလည်လည်။ နောက် အလုပ်ဝင်ခွင့် စာမေးပွဲထိ ကျက်..ကျက်နဲ့ ပြီးကို မပြီးနိုင်ခဲ့ဘူး´

´ပြီးတော့ ရှိသေးတယ် ဂိုးကြီး၊ တလအတွင်းသင်မဲ့စာ တပတ်အတွင်း လုပ်ထားရမဲ့ စာတွေကို သူတို့က မိဘတွေဆီကို အရင်ပို့တယ်။ ဒီမှာက ကျောင်းသားက စာမဖတ်လို့မရဘူး။ နောက်တခုက ကျွန်တော်တို့ မိဘတွေက သူတို့ကျောင်းထဲကို ၀င်လို့မရဘူး။ ဘယ်သူမှ ပေးမ၀င်ဘူး။ တားမြစ်ထားတယ်။ ဆရာ ဆရာမ နဲ့ကျောင်းသားတွေပဲ ၀င်ခွင့်ရှိတယ်။ သူတို့ရေးထားတဲ့ စာတွေ ပို့ထားတဲ့စာတွေကို ကြည့်ပြီးမှ မိဘတွေ က လေ့လာရတယ်။ ဒီမှာက စာကျက်တာထက် Activities လို့ခေါ်တဲ့လှုပ်ရှားမှုတွေကို ပိုလုပ်တယ်´ 

´ဒီလိုဆိုရင် ကလေးတွေက အမြဲတမ်း လန်းဆန်းတက်ကြွနေမှာပေါ့.. နော်။ ငါတို့ဆီမှာတော့ ကျောင်းသားတွေ ခမျာ ပခုံးများ ပြုတ်ကျမလားထင်ရတယ်။ 

ထည့်လွယ်ထားရတဲ့စာအုပ်တွေလေ. ပြီးတော့ စာမရမှာ ဆရာ ဆရာမ လူကြီးမိဘတွေ ဆူမှာပူမှာကို အမြဲတမ်း စိုးရိမ် ထိတ်လန့်နေတဲ့ မျက်ဝန်းတွေ ကျောင်းသား အများစုဆီမှာရှိနေတာက အစဉ်အလာ လို ဖြစ်နေပြီ´

´ထပ်ပြီး အံ့သြစရာကောင်းတာ ပြောပြဦးမယ်။ ကျွန်တော့သားဆိုရင် မာတင်လူသာကင်း ဂျူနီယာ အကြောင်းကို အတန်းထဲမှာ ပြောလာတယ် တဲ့။ ကျွန်တော်တောင် မသိ။ မာတင်လူသာကင်း ဂျူနီယာကို မင်းဘယ်လိုသိသလဲဆိုတော့ သူက သိတယ်တဲ့။ မာတင်လူသာကင်းဟာ လူတွေကို သနားကြင်နာတတ် တဲ့အကြောင်း သူသိတယ်လို့ ပြန်ပြောပြတယ်။ ဒီမှာက ကလေးတွေဖတ်ဖို့လည်း သေသေချာချာ ရေးထား တာ ရှိတယ်။ ကလေးတွေ ဖတ်ဖို့ရေးထားတဲ့ မာတင်လူသာကင်းစာက ၀ါကျ ဆယ်ကြောင်းလောက်ပဲ ရှိတာ။ အဓိကကတော့ကလေးတွေကို စာဖတ်ဖို့အလေ့အကျင့် လုပ်ပေးတဲ့ သဘောပေါ့´

´အော်.. အားကျဖို့ကောင်းလိုက်တဲ့ ပညာရေးစံနစ်နော်´

´နောက်တခုက ကျောင်းသားအားလုံးက စာကြည့်တိုက်ကို မသွားလို့မရဘူး။ စာကြည့်တိုက်ကို သွားဖို့ အတွက် သင်ရိုးညွှန်းတမ်း ဆွဲကတည်းက ပါတယ်။ စာကြည့်တိုက်ကို သွားကိုသွားရမယ်။ ငါးနှစ်သာရှိတဲ့ ကျွန်တော့သားလေးက စာ ကြည့်တိုက်မှာ စာအုပ်ငှားဖတ်တတ်နေပြီ။ ကျွန်တော်တို့ တက္ကသိုလ်တက် တုန်းက ဘွဲ့သာရသွားတယ်။ စာကြည့်တိုက် ကို တခါမှမရောက်ဖူးတဲ့သူ တပုံကြီး´

´ဟေ့.. ဟုတ်လား။ ၀မ်းသာစရာကောင်းလိုက်တာ နော်။ ငါတို့ဒီအရွယ်တုန်းကဆို ကျောက်သင်ပုန်း နဲ့ ကျောက်တံလောက်ပဲ ကိုင်ခဲ့ဖူးတာ၊ မင်းသားလေးက ကံကောင်းပါတယ်လေ´

´ဆက်ပြောဦးမယ်။ ကျွန်တော့သားက သူဖတ်ချင်တဲ့စာအုပ်ကို ရှာတတ်နေပြီ။ ကျောင်းက ဘယ် စာအုပ်ကိုဖတ်လို့မပြောပါဘူး။ ဖတ်ချင်ရာကိုဖတ်ပဲ။ တပတ်ကို ငါးအုပ်ဖတ်ရင် ရပြီ။ သားက ငါးမန်း အကြောင်း အာကာသအကြောင်းကို တော်တော် စိတ်ဝင်စားတယ်။ အာကာသကို စိတ်ဝင်စားလို့ နက္ခတ်ကြည့်မှန်ပြောင်းကို ဒေါ်လာ ၃၀၀ နဲ့ မှာထားတယ်။ သူ နက္ခတ်တွေ ကြည့်ရအောင်လို့ပေါ့။ ကျွန်တော့သားက မစ်ကီဝေး ကြယ်တွေ ဘာတွေတောင် သိနေပြီ။ ကျွန်တော်တောင် မသိဘူး။ ဒီက ကလေးတွေက တခုမဟုတ်တခု စိတ်ဝင်တစားလုပ်နေတတ်ကြတယ်.. ဂိုးကြီး´

´အော်..ကောင်းလိုက်တာငါ့ညီရာ..မင်းသားလေးရဲ့ အနာဂတ်အတွက်ကတော့ ၀င်းလက်တောက်ပနေ တာဘဲ။ ဒါနဲ့ကြုံတုန်း ငါတခုမေးပါရစေဦး။ မင်းရဲ့သားက စာဘယ်လိုဖတ်သလဲ´

´ဒီကကလေးတွေဟာ စာနှစ်မျိုးဖတ်ရတယ် ဂိုးကြီး။ bed time reading ဆိုတဲ့ အိပ်ခါနီးဖတ်ရတဲ့ စာနဲ့ Essential reading မဖတ်မဖြစ် ဖတ်ရမဲ့စာဆိုပြီး ရှိတယ်။ တလကို ငါးအုပ်ဖြင့် ငါးအုပ် ဖတ်ရမယ် ဆိုတာ မျိုးပေါ့။ နားလည်အောင်ဖတ်။ ပြီးရင် ကျောင်းမှာ presentation ပြန်လုပ်.. အဲဒီဟာ သူတို့ရဲ့စာဖတ်နည်းပဲ´

………………………………..

ပညာဆိုတာ လူတယောက်အတွက် အရေးအပါဆုံး အရာလို့ကိုစောနောင် တသက်လုံး စွဲစွဲမြဲမြဲ ယုံကြည် ခဲ့သော်ငြား မင်းသန့်ခိုင်အကြောင်း သူ့ဖခင်ဖြစ်သူနဲ့ပြောဆိုမိတဲ့နောက်မှာတော့ ကိုယ်ဟာ တကယ်ပညာ စစ်ကို သင်ခွင့်မရခဲ့ပါလားဆိုတာ ငလျင် ရုတ်တရက်လှုပ်လိုက်လို့ အထိတ်တလန့် ခံစားရသူပမာ ဖြစ်သွား ခဲ့ရတယ်။ 

ကမ္ဘာကို ကိုင်လှုပ်နေတဲ့နိုင်ငံတွေ ကမ္ဘာကို ဦးဆောင်နေတဲ့ တိုင်းပြည်တွေ မှာက ငါးနှစ်သားကလေးတောင် စာကြည့်တိုက်ကို ကိုယ့်ဘာသာသွား တတ်တယ်။ ကိုယ်သိတာ နားလည်တာကို ပြန်ပြီး ချက်ကျလက်ကျ ပြောဆို တတ်တယ်လို့ တဆင့်စကားကြားလိုက်ရချိန်မှာ ကိုယ့်တိုင်းပြည်မှာတော့ ဆရာသင်တဲ့အပုဒ် မပါလို့ဆယ်တန်းကျရတဲ့ ကျောင်းသားတွေ ဒုနဲ့ဒေးရှိနေဆဲ။ ဘွဲ့ဒီဂရီတွေ အစီအရီရထားပေမဲ့ ကိုယ်သိတာ နားလည်တာ ကိုယ်ယုံကြည်ရာ ကို လူရှေ့သူရှေ့ မပြောဝံ့မဆိုဝံ့သူ မြောက်များစွာ ရှိနေဆဲဖြစ်တဲ့ ကိုယ့် တိုင်းပြည်ရဲ့အရှိတရားက ရင်လေးစရာ ကောင်းလိုက်ပါဘိတောင်း။

ဘာပဲဖြစ်ဖြစ်ပေါ့လေ.. ပြည်သူတွေ ဒီမိုကရေစီရဖို့ တိုက်ခဲ့တောင်းခဲ့ တာဟာ လက်ညှိုးထောင် ခေါင်းညိတ် လက်သင့်ရာစားတော်ခေါ် မှားသည်ဖြစ်စေ မှန်သည်ဖြစ်စေ ငါ့လူဘက်က မျက်စိစုံမှိတ်ပြီး ရပ်တည် တတ်တဲ့လူတွေ ဆိတ်သုဉ်းဖို့ပဲမဟုတ်လား။ မင်းသန့်ခိုင်လေးသင်ယူနေ တဲ့ပညာရေး စနစ်မျိုးထွန်းကားလာစေချင်လို့ အသက်တွေ ဘ၀တွေကို ပေးဆပ် စတေးခဲ့ကြတာ မဟုတ် လား။ လက်သန်းထိပ်ဖျားမှာ မှင်ပြာတွေ စွန်းပြီး တိုက်ပွဲဝင်ခဲ့ကြတာမဟုတ်လား။ 

......... 

၂၀၁၆ ခုနှစ် စက်တင်ဘာလ ၁၀ ရက်နေ့ မော်လမြိုင်မြို့မှ ထုတ်ဝေသော သံလွင်တိုင်းမ် ဂျာနယ်ပါ ဆောင်းပါးကို ပြန်လည်တင်ဆက်ပါသည်။