သစ်ခက်သံလွင်-ရေမြေခြားကမ္ဘာ အတွေ့အကြုံ၊ မောင်ကြီးငြိမ်းချမ်း (ကျနော်လုပ်ငန်းရှင်)

ကျနော် လုပ်ငန်းရှင်

'.. လုပ်ငန်းတိုင်းက စတိုင်း ငွေပေါ်တာမဟုတ်။ လုပ်ငန်းလည်ပတ်တိုင်း ငွေလည်ပတ်တာမဟုတ်။ ဒီတော့ လုပ်ငန်းရှင်ရပ်တည်ရေး အတွက် ငွေကြေး လည်ပတ်မှုပေါ်မှာ မူတည်ပြီး အနည်းဆုံး ၆ လ ထောက်ပံ့သည်။ ဥပမာအားဖြင့် ကျနော့် လစားခ အလုပ်တုန်းက လစာ ၃၀၀၀ ယူရိုရသည် ဆိုပါစို့။ လုပ်ငန်းရှင်အဖြစ် စတင်လည်ပတ်သည့် ပထမဆုံး ၆ မှာ ယူ ၂၂၀၀ လောက် ထောက်ပံ့ထားသည်။ ဒါက လုပ်ငန်းက စစချင်းပဲ ငွေလည်ပတ်ပါစေ အဆင်ပြေစေ ရန် ထောက်ပံ့ခြင်း ဖြစ်သည်။'..'

-------------------------------

 ဖင်လန်နိုင်ငံမှာ ငြိမ်းချမ်းတို့ ကိုယ်ပိုင်လုပ်ငန်းလည်း လုပ်ခဲ့ပြီးပြီ။ အခွန်တွေလည်း ဆေးကုပေးခဲ့ သလောက် ပြန်ဆပ်ခဲ့ပြီးပြီ။ မင်းပေးခဲ့တာနဲ့ ဖင်လန်နိုင်ငံ ပြန်ရတာ ကာမိရဲ့လားမေးရင် တသက်လုံး မကျေဘူးဘဲ ဖြေရမှာပေါ့။

မြန်မာနိုင်ငံမှာ အသေးစား၊ အလတ်စား လုပ်ငန်းတွေအောင်မြင်စေချင်သည်။ အထူးသဖြင့် ဗမာနိုင်ငံသား လုပ်ငန်းရှင်တွေ ကိုယ့်ရပ်ကိုယ်ရွာမှာ လုပ်ငန်းတွေလုပ်၊ ဒေသခံတွေကို အလုပ်ပေးနိုင်တဲ့ စီးပွားရေးမှသည် တနိုင်ငံလုံးဖြန့်ကျက်၊ ပြီးရင် ယဉ်ကျေးမှုတူတဲ့ အာရှ၊ နောက်တော့ ချဲ့နိုင်ရင် ချဲ့သလောက်ပေါ့။ ဒါက စိတ်ကူးယဉ်မဟုတ် အလုပ်တခုလုပ်မယ်ဆိုရင် စီမံကန်း ရှိရသည်။ လက်တွေ့နဲ့ ပေါင်းစပ်ရသည်။ လုပ်ငန်းလုပ်မဲ့သူက အရည်အချင်းရှိရသည်။ စိတ်ကူးကောင်းရသည်။ ရိုးသားရသည်။

အသေးစား၊ အလတ်စား စီးပွားရေးလို့ပြောကတည်းက ငွေပုံမခင်းနိုင်ဘူးဆိုတာ လူတိုင်းနားလည် ပြီးသား။ ကျနော်လည်း ငွေမရှိ၊ ဒါပေမဲ့ အလုပ်သမားလုပ်ပြီး သူဌေး/အလုပ်ရှင်ဆီမှာ လစာမယူချင်။ ငါလုပ်နိုင်ရင် လုပ်သလောက် ရမယ်။ လုပ်ငန်းအောင်မြင်ရင် အလုပ်သမားထပ်ငှားမယ်၊ အလုပ် ထပ်ချဲ့မယ်ဆိုပြီး အရှည်ကိုမျှော်ပြီး ကိုယ်ပိုင်လုပ်ငန်းလုပ်သည်။ လုပ်ငန်းစမယ်လို့ဆုံးဖြတ် လိုက်တာနဲ့လိုအပ်တာသိဖို့ ဖင်လန်နိုင်ငံရဲ့အလုပ်သမားရုံးက အသိပညာပေးရေးဌာနကို သွားမေး သည်။ ဖင်လန်နိုင်ငံမှာ စွန့်ဦး တီထွင် …ဒါမဟုတ် လုပ်ငန်းစတင်လုပ်ဆောင်မဲ့ လူတွေအတွက် လမ်းညွှန်ပေးမဲ့ဌာနတွေ အများကြီး။ အလုပ်သမားရုံးမှာ မေးမလား၊ ဘဏ်တွေမှာ မေးမလား၊ ဒါမှ မဟုတ် တခြားသောအကြံပေးဌာနတွေ မှာ မေးမလား မေးနိုင်သည်။ အလကားရတဲ့ အကြံနဲ့ ငွေကြေးပေးရတဲ့ အကြံဉာဏ်တော့ မတူဘူးပေါ့။

လုပ်ငန်းတခုလုပ်မယ်ဆိုတာနဲ့ အစိုးရက စာရင်းဇယား၊ ဈေးကွက်အနေအထားတွေနဲ့လုပ်ငန်းရှင် တယောက် သိသင့်သိထိုက်တဲ့သီအိုရီပိုင်းတွေကို သင်ကြားဖို့ လုပ်ငန်းရှင်သင်တန်းကို တက်ခိုင်းသည်။ ကိုယ့်ပစ္စည်းကို ဘယ်လိုရောင်းမလဲ၊ ဈေးကွက်ကို ဘယ်လိုလေ့လာမလဲ၊ တင်ဒါ စွဲပုံစွဲနည်းကစပြီး၊ အခွန်ဆောင်နည်း၊ အခွန်လျှော့နည်းတွေကအစ အသေးစိတ်က သင်ပေးသည်။ သင်တန်းက ၃ လလောက် တက်လိုက်ရသည်။ ဖင်လန်နိုင်ငံမှာ လုပ်ငန်းရှင်တယောက်လုပ်မယ်ဆိုရင် တလတာ အခွန်ဆောင်နည်း၊ ၆ လ စာ အခွန်ဆောင်နည်း၊ တနှစ်စာအခွန်ဆောင်နည်း၊ ပြီးရင် အမြတ်က အခွန် ဆောင်နည်း စသည်ဖြင့် အမျိုးမျိုးရှိသလို၊ စာရင်းဇယားတွေတွက်ချက်တဲ့စာရင်းကိုင်ရုံးက လုပ်ငန်းရှင် ငှားတာက သပ်သပ်၊ အစိုးရက တွက်တာ သပ်သပ်ဆိုတော့ ၁၀ ပြားတန်ဘောင်ချာပျောက် လျှင် ဒဏ်ရိုက်ခံ၊ ထောင်ကျသည့်ကိစ္စတွေ ရှိတာမို့ စာရင်းဇယားသည် အလွန်အရေးကြီးပါသည်။

လုပ်ငန်းစမယ်ဆိုပြီး မှတ်ပုံတင်လိုက်တာနဲ့ အစိုးရက လုပ်ငန်းရှင်အတွက် ရေးစွဲထားသည့်စီမံကိန်းကို မူတည်ပြီး အတိုးနှုန်းအနိမ့်ဆုံးနဲ့ ၅ နှစ်မှသည် ၁၀ နှစ် ကြာမြင့်သည့် ကာလအထိ ငွေချေးပေးသည်။ အစိုးရက ချေးမပေးလျှင် အစိုးရကအာမခံပြီး ပုဂ္ဂလိဘဏ်များတွင် ချေးလို့ရသည်။ ဒါမှမဟုတ်လည်း စီမံကိန်းကိုချပြတာနဲ့ ဘဏ်တွေက တိုက်ရိုက်ချေးပေးတာလည်း ရှိသည်။ ဒီတော့ လုပ်ငန်းစဖို့ မပူရ တော့။

ဒါထက်ပိုပြီး မပူရတာက လုပ်ငန်းပေါ်မှာမူတည်ပြီး အစိုးရလုပ်ငန်းရှင်ထောက်ပံ့ကြေးကို ၆ လ ၂ နှစ် အထိပေးသည့် မူဝါဒဖြစ်သည်။ လုပ်ငန်းတိုင်းက စတိုင်း ငွေပေါ်တာမဟုတ်။ လုပ်ငန်းလည်ပတ်တိုင်း ငွေလည်ပတ်တာမဟုတ်။ ဒီတော့ လုပ်ငန်းရှင်ရပ်တည်ရေး အတွက် ငွေကြေး လည်ပတ်မှုပေါ်မှာ မူတည်ပြီး အနည်းဆုံး ၆ လ ထောက်ပံ့သည်။ ဥပမာအားဖြင့် ကျနော့် လစားခ အလုပ်တုန်းက လစာ ၃၀၀၀ ယူရိုရသည် ဆိုပါစို့။ လုပ်ငန်းရှင်အဖြစ် စတင်လည်ပတ်သည့် ပထမဆုံး ၆ မှာ ယူ ၂၂၀၀ လောက် ထောက်ပံ့ထားသည်။ ဒါက လုပ်ငန်းက စစချင်းပဲ ငွေလည်ပတ်ပါစေ အဆင်ပြေစေ ရန် ထောက်ပံ့ခြင်း ဖြစ်သည်။ မိသားစုအရေးမပူရရန် ထောက်ပံ့ခြင်း ဖြစ်သည်။ ၆ လမှ တခါ လုပ်ငန်း အသစ်ရဲ့စာရင်းဇယားတွေကိုတွက်ချက်ကြည့်လို့ အဆင်ပြေပြီဆိုရင်တော့ ဆက်ပြီး မထောက်ပံ့ တော့။ လုပ်ငန်းတခုဆိုတာက ၂ နှစ်ဆိုရင်တော့ လည်ပတ်လောက်ပြီဆိုပြီး ကျွမ်းကျင်သူတွေက တွက်ချက် ထားကြတာကိုး။ လုပ်ငန်းရှင်ဆီမှာ ငွေပိုသွားမှာလည်း အစိုးရကပူစရာမလို၊ နှစ်ကုန်လို့ အခွန်ဆောင်ဖုိ့ စာရင်းထဲမှာပိုသွားတာတွေ့ရင် အခွန်ကို ပိုပြီးဖြတ်လိုက်ရုံပဲ ရှိတာကိုး။

ဒီလိုနဲ့ ကျနော် လုပ်ငန်းရှင်ဖြစ်လာသည်။ ကျနော် ကြိုးစားရင် ကြိုးစားသလောက် ရသည်။ ဖောက်သည်များ ရင် အစိုးရက အခွန်များများရသည်။ အဓိကအချက်မှာ တရားဥပဒေစိုးမိုးရေး၊ တိကျ မှန်ကန်ရေးနဲ့ နိုင်ငံသား လုပ်ငန်းရှင်က သူ့ဘာကြောင့် အခွန်ပေးပြီး၊ သူပေးသည့်အခွန်ကို အစိုးရက ဘယ်နေရာမှာသုံးလည်း ဆိုသည့် ပွင့်လင်းမြင်သာမှုရှိတော့ ယူစမ်းကွာ၊ ဖြတ်စမ်းကွာဟု ကျနော်က ကျေကျေနပ်နပ်ပေးသည်။ တနှစ်ကို အလုပ်လက်မဲ့ အယောက် ၁၅ ယောက်နဲ့ ၂၀ လောက်နေတာ့ ကျနော်ပေးတဲ့အခွန်နဲ့ လတိုင်း အဆင်ပြေသည်။ ကျနော်ကျေနပ်သည်။ ကျနော် အလုပ်မလုပ်ဘဲ နေတော့လည်း အစိုးရက ကျနော်ပေး ထားတဲ့ အတိုင်းအတာ ပေါ်မှာ မူတည်ပြီး ပြန်ပေးတာကိုး။

မှတ်ချက်။  ။လုပ်ငန်းရှင်တိုင်းဟာ စာရင်းဇယားဖိုင်တွဲတွေကို ၂၅ နှစ်တိတိ ထိန်းသိမ်းထားရပါတယ်။ လုပ်ငန်းကို လွှဲပြောင်းရောင်းဝယ်သည် ဖြစ်စေ၊ လုပ်ငန်းရပ်ဆိုင်းသည်ဖြစ်စေ၊ အစိုးရအခွန်ဌာနက လိုအပ်လို့စစ်ဆေးသည့်အခါမှာ အားလုံးထုတ်ပေးနိုင်ရပါတယ်။ မထုတ်ပေးနိုင်လို့ကတော့ အာမခံ မရှိတဲ့ အစိုးရကိုလိမ်လည်မှုအဖြစ် ချက်ချင်းဖမ်းပြီး အပြစ်ပေး ထောင်ချပါတယ်။ တသက်လုံးလည်း လုပ်ငန်းရှင် လုပ်ခွင့် မရှိတော့ပါဘူး။
-
ဗမာနိုင်ငံသား အသေးစား၊ အလတ်စားလုပ်ငန်းရှင်များ ကျွမ်းကျင်သောလုပ်ငန်းရှင်များဖြစ်နိုင်ဖို့ အစိုးရက လည်း ကူညီနိုင်ပါစေ။ အစိုးရလည်း အခွန်များများ ရပါစေ။ တိုင်းပြည်လည်း ဖွံ့ဖြိုးတိုးတက်ပြီး လူငယ် တိုင်း နေ့စဉ်ဇယားအပြည်နဲ့ အလုပ်အကိုင်တွေ ရနိုင်ကြပါစေ။

မောင်ကြီးငြိမ်းချမ်း

3.6.16

-https://www.facebook.com/nyein.c.aung/posts/10209390432055273