 |
| Artist Khalid Shahin |
အမြစ်က ဆွဲလှန်ခံရတဲ့ သစ်ပင်
ကျပ်စေ့တစ်စေ့
ခေါင်းပန်းလှန်သလို
ငါပြားစေ့လေးလဲ
ခေါင်းပန်းလှန်လို့ရပါတယ်
အချိန်တွေ
မျက်ကွယ်ပြုခြင်းခံရတော့
အမှောင့်ပရောဂဟာ
ခေါင်းထောင်ထ
မှန်ရေကန်ထဲ
ရောက်ရှိတဲ့ငါးတစ်ကောင်
ကူခပ်နေရတာ
ပင်လယ်ထဲကူခပ်ရတာထက် ခက်တယ်
အရိပ်တွေ ထိုးထွက်ဖို့
အနာဂတ်သင်္ချာနည်း
တွက်တတ်ဖို့လိုတယ်
ရေပေါ်မှာ
ပေါလောပေါ်နေတဲ့ဗေဒါ
မြေနံ့မသင်းတော့
ခရေပန်းကလေးလို့
ခရေပန်းကလေးလို့
မမွှေးပေဘူးပေါ့
ခက်တယ်
ငှက်ကလေးတွေ
အစာကျွေးဖို့
ငါ့မှာ တောင်ပံတွေ ပါမလာခဲ့ဘူး ။ ။
ရိုးခက်
….
 |
| artist Khalid Shahin |
ရေစီးကြောင်းမှာ မျောနေတဲ့ ကျောက်တုံးလေးတွေ
ဆီလက်ကျန်နည်းနေတဲ့ မီးစာလေး
အကာအကွယ်မဲ့မုန်တိုင်းကြားမှာ
အသက်ဆက်ဖို့ကြိုးစားနေရသလို၊
ဒေါသစိတ်၊ အထင်သေးစိတ်နဲ့
လအရိပ်မှာ
အလှည့်စားခံခဲ့ရတဲ့ စောလူးမင်းလို၊
ငါတို့ဟာ
ရောဂါသည်လို့ သတ်မှတ်မခံရတဲ့
ခွေးရူးတွေပါကွယ်
ရူးတာတောင် လွတ်လွတ်လပ်လပ်ရူးခွင့်မရ၊
ခေါင်းပေါ်ကျလာတဲ့ မြေမှုန့်တွေကို မော့မကြည့်ရဲ
ငတ်မွတ်နေတဲ့ ခွဲတမ်းထမင်းလုတ်ထဲက ခဲသလဲကို ထွေးမထုတ်နိုင်
သက်တမ်းမလွန်ခင် မှိုတက်နေတဲ့ ဘ၀ကို
လောကဓံလို့ တရားချနေရ၊
ငါတို့ဟာ
မြစ်ကြောင်းထဲက လိမ့်ရင်း လုံးလာတဲ့
သဲကျောက်တုံးတွေပါကွာ။
မောင်ထိန်လင်း(မြို့သာ)
၁၂.၇.၂၀၁၇
မနက် ၇း၅၂
Comments
Post a Comment